Lukə 23:2 - Yálá laawoo hɛɓɛ (dc)

² Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Yálá laawoo hɛɓɛ

² Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Bible

² Nya ƃe dí pɛ̀lɛ mɛni lɛɛ̂i ma, dîyɛɛi, “Ku nalôŋ ŋi kàa gɛ kúsîi-ŋai kɛ̀ a gɛɛ dí tɔɔ gɔmɛnɛi ma. Gɛ mò dîa a gɛɛ dífe ŋuŋ-fela-fei tɛɛ Gâloŋ Siizɛ pɔ, gɛ mo, ǹyɛɛ a gɛɛ ǹyaa kpîŋ ƃa Kôrai nyii gáa a kâloŋ.”

Lukə 23:2 ပူးပေါင်းရင်းမြစ်များ

Tɔɔɓɛlaa dɔlɔɔ 18:17

Eli kaai Akabə ə mo, yɛ mą: «Eli! Yɛ́ ɓəi! Yɛ́i yáá kpalo ɓɛla Israɛlə ɓa yɛ́ ɓəi!»

Mąątɛ̨nɛ̨ 35:11

Lɛɛ kɛla hvaa ɓo nuą daa di muhəɠə, mɛ̨nįi və́ ɉu kɔ́lɔn, diɛ mą́ą́nikɛ mą.

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Maafîu 17:27

Kɛlaa, gu wɛi, gu hvo bɔ gu hvo nuą lii hu kala. Yili ɓa, ɉɔwɔlee kwɛli həɠə, ə́ li bówa hu, ə́ kwɛli pili; Ɉɔwɔlee tɔlɔɔ tii ə́ kaa pai gulɔi, na kaa, wali kaa na, yii a pɛli gu nu hveelɛ guɔ nįįhɔ̨nwɔ̨ ɓa, ɉəɠə ə́ pa, ə́ guɔ nįįhɔ̨nwɔ̨i kulɔ la.»

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Maafîu 27:11

Jesus ə kɛ tɔɔ ni Pilatə líílaa, yili ə mąąni kɛ, yɛ mą: «Ɉuifəɠaa di wɔ tɔɔmun ɓaa a yɛ́?» Jesus yɛ mą: «Ya ka tii ə́ mo!»

Markə 12:17

Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Markə 15:2

Pilatə ə Jesus mąąni kɛ, yɛ mą: «Ɉuifəɠaa di wɔ tɔɔmun mąą a yɛ́?» Jesus ə nwoo pulu pənə, yɛ mą: «Yaa kpɔlɔɔ ka tii yáá mo, ya ɓaa a ɲą́ą́.»

Lukə 23:14

yɛ diɛ: «Ka pa a nui ŋɛ̨i bɔ́ ɓɛ, kaa diɛ: gaa nɔi nuą kwɛiteei, yɛ di həɠə pələ haŋąa mɛ̨i. Yaan, mąąni kɛi ŋį́ mo ka ɲɛ̨i ɓa, və́ hɔn nɔpee ta kaa li mą, yii mąąnɛ̨ɛ̨ ə gaho kɛ ɉu, yɛ hvilɛn na yiiɠaa ka mo a nąą ma.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Ɉaan 18:29

Pilatə ə kulɔ ə di kaa tɔɔni gala pulu pələ yɛ diɛ: «Lə ɓə ɉulɔnui ŋɛ̨i ə gɛ?»

Ɉaan 18:30

Di nwoo ŋąą pənə diɛ mą: «Akɛ kɛ nui ŋɛ̨i hvo mɛ̨nį ɲɔ̨n gɛ li, ku hvə li paa la ə́ pɔ.»

Ɉaan 19:12

Ə həɠə nąąlɔwai ɓa, Pilatə ə kɛi Jesus kulɔ pələ kwɛli di yəi. Kɛlaa, Ɉuifəɠaa di kɛi kpɔlɔ tómą diɛ kɛ mą: «Akɛ yá tee ɉulɔnui ŋɛ̨i ɓa, Sesarə mɛlan vaa a yɛ́. Mąąhɔlɔɓo, nui lɔpee a gbɔwɔ kɛ a tɔɔmun, Sesarə ɲowo li.»

Gɛlaɠaa 24:13

Mɛ̨nįɠaai kpɔ nuą ŋɛ̨i bɛlɛi nwúɔ̨ yiihu, di hva pɛli dɛ̨ą lɛi kpɔ tíikpə kpɛli.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.