Lukə 22:20 - Yálá laawoo hɛɓɛ (dc)

²⁰ Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Yálá laawoo hɛɓɛ

²⁰ Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Bible

²⁰ Nya ƃe maa-pere tɔnɔi ti su dí kpɛɛ dílaa miî, e kpele-kɔ̂ɛɛ siɣe, ǹyɛɛi, “Gbele-kɔɛi ŋi káa a Gbanaŋ-woo Kɛɛ Ninai ŋ́ãai su nyii a pú ka-mɛni ma.]

Lukə 22:20 ပူးပေါင်းရင်းမြစ်များ

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Ɉeremi 31:31

Yai-Laa woo ka, yɛ diɛ: «Gaa pai kɛi a yələ ta, kwa Ɉakɔbə nwɔ pɛlɛ́i kuɔ mįnɛ̨ ninɛ̨ həɠə, da Ɉuda nwɔ pɛlɛ́i.

Zakari 9:11

Ə́ wɛi, mįnɛ̨i gwa yɛ́ gu ɉəɠə a ɲąmą, nowai yá hvo ɉu, gáá pai ə́ wɔ luwɔɠaai kulɔi ɉu.

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Markə 14:24

Jesus ə mo diɛ, yɛ diɛ: «Yii kaa a ɲą́mą, ŋą́mą yii gaa a mįnɛ̨ ka Yálá ni ka lɔwai. Gaa a ŋą́mą yii gaa pai pui nu tamąą mąą mɛ̨nį ɓa.

Korɛntə dɔlɔɔ 11:25

Bələ lɔ ɓə ə gɛ la a gbələ kɔwɔ, kɔ̨nɔ̨n mįi kɛɛ pulu, yɛ diɛ: Gbələ kɔwɔi ŋɛ̨i kaa a mįnɛ̨ nįnɛ̨ ɲą́mą hu; ká kɛ mɛ̨nįi ŋɛ̨i kɛi, yələi lɔpee ká kɛli da kpələ la, káá gbələ a ną́ą́ kili too pələ ká ɲą.

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Hebreu 9:17

Yaan, nui tii vɛli, a kɛ ni a vulú, vɛli woo ti ɓɛlɛ hva ni kɛ mą. Kɛlaa, a haa, vɛli woo ɓɛlɛ a kɛ mą.