Lukə 21:34 - Yálá laawoo hɛɓɛ (dc)

³⁴ «Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Yálá laawoo hɛɓɛ

³⁴ «Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Bible

³⁴ “Ka kámɛi káa a gɛɛ kálii fé wiɛ a sɛŋ-miɛɛ da lɔɔ-kpeleɛ da vúlu-laai ŋi ŋɔlii-sɛlɛŋ-ŋai a gɛɛ maa-ɣelei ti fé lâa pa la nɔ kàa a maa félaa yɛ̂ɛ ƃáre a bɔara.

Lukə 21:34 ပူးပေါင်းရင်းမြစ်များ

Zɛnɛse 19:32

Yili ɓa, gu lɔɔ tɔɔ gu ną́n na, nɔɔ a ɉon, gwa diɛni gu laa, ə gɛ, yaai tii ɉuwu ə pa lɛɛ yɛnɛ̨ɛ̨.»

Zɛnɛse 19:35

Di lɔɔ tɔɔ di nąn na, nɔɔ ə ɉon, mąą yələwulii, da nokolo laamun di laa. Di nąn və gili kɔ́lɔn.

Zɛnɛse 27:14

Ɉakɔbə ə li, ə molu gbɔn veelɛi tii hon, ə paa la nee pɔ, ə ɲili kpɔ a Isaakə lííɓa.

Mąątɛ̨nɛ̨ 35:8

Nu kala mɛ̨nįi ɲɔ̨nwɔ̨nmąn və ta kɛli, 'ə həli diɛ, di tɛɠii, ɉɛlɛn diɛ kpinįi di dɛ, 'di kɔ́ la, 'di nwun ə lɛɛ mɛ̨nį ɲąąnwąnąąi tii hu.

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Hanwon 23:20

'Hvó too lɔɔ kpələ nuą pɔ, ə mą kɛ, nuąi da di koo laahvɛɛ a huwɔ.

Ikilisiati 9:12

Yan, nu lonnii di hvo mɛ̨nį ɲąąnwąnąą pai yələ kɔ́lɔn. Bələi lɔ hɔ̨nwɔ̨lee a too la yá-tuluun dumɔ̨ hu, a wala kɛ tii, nwɛ̨nį yɛ too nwɛ̨nį kpɛ diŋɛ̨n ɉu, di ɲɛ̨i heɛ haa ɓa yɛ pa di pɔ, bələ lɔ ɓə nu kanŋaa kaa la.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Osia 4:11

Lɔɔ da wɛli mɛ̨nį daa di nwun ɉu lan.

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Lukə 10:41

Ną́mu Jesus ə nwoo pulu pənə yɛ mą: «Martə, Martə, yaa ə́ liihɛlɛn a mɛ̨nį tamąą; ə lɛɛ, ə́ kpaaŋąa yili hu.

Lukə 12:40

Mąąhɔlɔɓo lɔwai ka hvo mą, ya ɓə Nu Lon gaa pai pai la.»

Lukə 17:3

Ka gɛ a nɛlɛɛ, yili hu. «Akɛ, ə́ nąn non a nɛ̨ŋɛ̨n həɠə yɛ́, ka mo ka nu hveelɛi ka lɔwai, akɛ, a dúwɔ́ pələ mąąhvalin, ə́ mąąhvaalɛɛ.

Lukə 21:35

Mąąhɔlɔɓo, gaa pai pui yɛnɛ̨ɛ̨ nuą kəlee mɛ̨i yɛ pələi da diŋɛ̨n bili la yai.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Lukə 8:14

Ɉihɛn ɉuwu yii ŋɛ̨i too ɲɔw ɲąąlən ɉu, yili kaa yɛ: nuą yiiɠaai da Yálá laawoo mɛ̨n, da kulɔ tɔwɔ pələ, liihɛlɛn damąą ə too diɛ, yɛ pələi: hɛn gɔw kɛnɛ̨ hɔlɔɓo liihɛlɛn, di kpɔɔ liiɓa kɛ liihɛlɛn ə too diɛ kɛnɛ̨, ə tɛɛ mɛ̨nį kəlee ɓa. Mɛ̨nįɠaa tii kəlee a kpinįn a diɛ, di too, di ɓa yɛ ɓo a vəlee.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.