Lukə 21:24 - Yálá laawoo hɛɓɛ (dc)

²⁴ Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Yálá laawoo hɛɓɛ

²⁴ Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Bible

²⁴ da pâi lɛɛ̂i m̀óa-sɔkpɔ-ŋai yée mu, dí li a dia a pelesinɛ ǹɔii-sii-ŋai kélee su; à kɛ̀ ti, Zɛ̃tai-ŋai da pâi Zerusâlɛŋ tánîi díkɔɔ mu e lɛɛ zu Zɛ̃tai-ŋai dítãi ŋa-see é kɛ́.

Lukə 21:24 ပူးပေါင်းရင်းမြစ်များ

Zɛnɛse 34:26

Di Hamɔrə da non Sisɛmə di hu hɛɠɛ a ɓɔwa kwɛaa. Di di mąąhala Dina həɠə di li la.

Lɛɛ gbɔwɔ ɓa 17:13

Ɉosue yee ə tɛɛ Amalɛkə nuą diɛ, ə nu tamąą paa a ɓɔwa kwɛaa.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 63:18

Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Lukə 21:25

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.