Lukə 21:23 - Yálá laawoo hɛɓɛ (dc)

²³ Kpalo a ɓɛla koonɛ̨ąɠaa da kɔ̨nwɔ̨leeɠaa diɛ a volói tii. Mąąhɔlɔɓo, volói tii, nɔi ŋɛ̨i hu nuą da mɔ̨nɔ̨ kɛnɛ̨ mį́į́, ə lɛɛ, Yálá nwɔ lii ɲąnwąną a kulɔ ponoŋą nuą ŋɛ̨i diɛ.

Yálá laawoo hɛɓɛ

²³ Kpalo a ɓɛla koonɛ̨ąɠaa da kɔ̨nwɔ̨leeɠaa diɛ a volói tii. Mąąhɔlɔɓo, volói tii, nɔi ŋɛ̨i hu nuą da mɔ̨nɔ̨ kɛnɛ̨ mį́į́, ə lɛɛ, Yálá nwɔ lii ɲąnwąną a kulɔ ponoŋą nuą ŋɛ̨i diɛ.

Bible

²³ Kpalo ƃélaâi dîa diai díkoo káa diai, da diai ŋíni tɛɛ̂i díkwatara-ŋai pɔ a ŋele-ŋai ti! Kpɛ́ni fêi, mɛni-kpɔ̂lu kɛ́tɛ a pâi pâi ŋ̀éniɛi su da lii-ŋwana ǹûai ŋi dîa;

Lukə 21:23 ပူးပေါင်းရင်းမြစ်များ

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Danîa 8:19

Yili pulu, yɛ mą́ą́: «Mɛ̨nii pai kɛi ɓɛlɔwai Yálá nwɔ líiɲąnwąną kaa pai kpɛɛi la, gáá nɛi yɛ́.

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Maafîu 21:41

Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Maafîu 24:19

Kpalo a ɓɛla koonɛ̨ąɠaa da kɔ́nwɔ̨leeɠaa diɛ a nąąlɔwai tii!

Markə 13:17

Mąąwɛli mɛ̨nį kɛnɛ̨ a laa koonɛ̨ąɠaa da kɔ̨nwɔ̨leeɠaa diɛ a volói tii.

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Lukə 19:43

A tɛ̨ą, gaa pai kɛi a yələ ta, ə́ yowoɠaa di ə́ mąątínɛ̨n a kɔlaɠa, di ə́ hvaną bələ kəlee.

Lukə 23:29

Mąąhɔlɔɓo, hvóló ta kaa pai ɉəli, nuą kaa pai kɛi diɛ: ‹Nɛa yiiɠaai di hvo ta lon gaa li, di hvo ta ɲįnį tɔɔ li lokolo la, di nwun na nɛ̨ɛ̨i!›

Korɛntə dɔlɔɔ 7:26

Yɛ bələi lii kələn gwəi mɛ̨nį tamąą da həli la nuą diɛ yiihu, nwɔ́ kwəi, nuąi tii, mąąnɛ̨ɛ̨ lɔ di lɛɛ yɛ pələi tii di kaa la.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?