Lukə 20:47 - Yálá laawoo hɛɓɛ (dc)

⁴⁷ Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»

Yálá laawoo hɛɓɛ

⁴⁷ Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»

Bible

⁴⁷ kɛ́lɛ, da pɔɔ-nɛyaa fìli díkɔ̃liŋ su, dí Ɣâla fɛli a zu kôya a gɛɛ dí dímɛni nyɔ́mɔɔi mɛi pɛlɛ. Dia ƃe pâi maa-nɔɔ kâai a zu kɛ́tɛ.”

Lukə 20:47 ပူးပေါင်းရင်းမြစ်များ

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Amɔsə 2:7

Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Mise 2:8

Wɛ́i tii kɛ, nwɔ́ nuąi di kɛ kɔ́ ɓa da di yowoɠaa, nuąi kɛ da həɠə gɔ́ ɓa, diɛ pa nɛ̨kpɛlɛɛ, ka kɛli gbaawii kulɔ gilɛn ɉəɠə mɛ̨i di yəi.

Mise 3:2

A kaa ŋɛ̨i, mɛ̨nį lɛlɛɛ wɛli kpɛɛ kaa, kaa mɛ̨nį ɲɔ̨nwɔ̨ɔ̨ wɛlilakɛ, kaa nuą kɔ́lɔɓo, kaa di luwu kalaan di kɔ́w ɓa.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:14

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka kɛ tooi kalanin nɛ̨ąą mɛ̨i, kaa hɛn gulɔ di yəi, kaa lamu Yálá hvɛliɛ hu, ə gɛ, nuą di ka káá a nu haɉaaɠaa. Yili ɓə gaa mą, ka wɔ kitii kaa pai walawalai kpɔ kɛnɛ̨.

Markə 12:40

Da kalanin nɛ̨ąą kwɛlin gulɔ di yəi, diɛ lamu Yálá hvɛliɛ hu, əgɛ, nuą di di kaa a nu haŋąąɠaa. Di kaa pai ɲɛ̨i hvala hɔlɔɓoi yii a kɛ a nwala-walaa.»

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Lukə 20:46

«Ka ka mɛ̨i kaa dɔ́n galamɔ̨ɔ̨ɠaa mąą mɛ̨nį ɓa, diɛi di liiɓa ɓaa diɛ həɠə kpɛa-kpɛa too di kwaną. Nu ta a kɛi di tuwɔ ɓo kwəli hɛ̨ąi, hvo kɛli a kwɛli hvilɛn diɛ, da lɔ Yálá hvɛli pɛlɛ́ mu, heei lɛlɛɛɠaa ɓə da gwɛli di hee laa. Da di təli kuu ɓa, nu kpɛa-kpɛa hee ɓə da gwɛli.

Lukə 21:1

Jesus ə́ kɛ Yálá hee pɛlɛ́ mu, mɛ̨nįɠaai kɛi tɛɛ yɛ gaa. Ə hɛn gɔw nąmįną kaa diɛ pa diɛ Yálá kɔ́ a di yəi hɛn gɔwɠaa.

Tɛsalonikə dɔlɔɔ 2:5

Yili ɓə gɛ, ku hvo gɛ li a gbąnąlaa woo, káá kpinįi ká kili kaa tii ɉu, tɔlɔ kwɛli kili hvo kɛli kuɔ, Yálá kpinįi kaa a gɛla.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.