Lukə 20:10 - Yálá laawoo hɛɓɛ (dc)

¹⁰ Viɲə ɓai lɔwai, ə ŋą tímun dɔ̨nɔ̨ tɔɔ, əgɛ, di nwɛi tɛɛ. Kɛlaa, goló kɛ nuą di ɉon, di gɛlɛ, di gbɛ ə pənə a ɲee howolo.

Yálá laawoo hɛɓɛ

¹⁰ Viɲə ɓai lɔwai, ə ŋą tímun dɔ̨nɔ̨ tɔɔ, əgɛ, di nwɛi tɛɛ. Kɛlaa, goló kɛ nuą di ɉon, di gɛlɛ, di gbɛ ə pənə a ɲee howolo.

Bible

¹⁰ Tãi m̀á-kpɔ̂lu-tãi e sèri lai, e ǹyée-mu-ƃelai dɔnɔ tɛ̀ɛ díi-kɛ-ƃelai pɔ naa a gɛɛ dí ŋɔkpɔmɔ-ƃai da tɛɛ mì; kɛ́lɛ, díi-kɛ-ƃelai dí ǹokwa, dí dɛɛ pôlu a ǹyée folo.

Lukə 20:10 ပူးပေါင်းရင်းမြစ်များ

Tɔɔɓɛlaa dɔlɔɔ 22:24

Nąąlɔwai, Kenaana lon Sidkiyahu ə nɛɛ mą, ə Mise laa lɔwa, yɛ mą: «Mįnɛ̨ pələ ɓə Yai-Laa nwɔ Kilii ə kulɔ la ɉú, yɛ mɛ̨nįɠaa ŋɛ̨i ɓo yɛ́?»

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Kɔlɔnikɔ Maa-ŋuŋ 19:4

Hanun ə Davidə nwɔ nuąi hon, ə di kpɛlɛ bələ tɔ̨nɔ̨ kalaan, ə di mąąhəɠəɠaa mąą tee kpɔ, ə gbɛla di wulɔn mu, ə ɓo diɛ di li.

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 5:24

Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 20:11

Ə pənə ə dakpɛli tɔɔ, di nui tii hon, di gɛlɛ nwɔ̨nɔ̨ di nalan, di gbɛ ə pənə a yeehvowolo.

Lukə 20:9

Yili pulu, Jesus ə hanwon ɉɔɔ nu kpului tii ɓa yɛ diɛ: «Nu ta ə viɲə yɛa laa. Ə ɉəɠə ə dɛɛ nuą pɔ, diɛ goló kɛ. Yili pulu ə li hiɛ ɓa ə lamun laa.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Lomaŋ 7:4

Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.