Lukə 2:20 - Yálá laawoo hɛɓɛ (dc)

²⁰ Yili pulu, mɛlaa pulu nuą di di pulu pənə diɛ li. Di kɛi Yálá hɛɠɛɛɓo, ɛlɛɛ, diɛ nwɔ kɛnɛ̨ laa da nwɔ mąąwiɛ lɛ; mɛ̨nįɠaai di mɛ̨n, da yiiɠaai di gaa, mąą mɛ̨nį ɓa. Mąąhɔlɔɓo, pələi kpɔlɔ tii malaka ə ɉukulɔ la diɛ, pələ kpɔlɔ ɓə di gaa la.

Yálá laawoo hɛɓɛ

²⁰ Yili pulu, mɛlaa pulu nuą di di pulu pənə diɛ li. Di kɛi Yálá hɛɠɛɛɓo, ɛlɛɛ, diɛ nwɔ kɛnɛ̨ laa da nwɔ mąąwiɛ lɛ; mɛ̨nįɠaai di mɛ̨n, da yiiɠaai di gaa, mąą mɛ̨nį ɓa. Mąąhɔlɔɓo, pələi kpɔlɔ tii malaka ə ɉukulɔ la diɛ, pələ kpɔlɔ ɓə di gaa la.

Bible

²⁰ Nya ƃe m̀ála mɛi-kaa-ƃelai dí pène pôlu. Dí kɛ̀ Ɣâla ŋɔfólo-laai maa tɛ̂i, díkɛ ǹáa maa tɛ mɛni-ŋai kélee mɛni ma dí mɛ̀ni, dí gáa, yɛ̂ɛ berei e ƃò la diai.

Lukə 2:20 ပူးပေါင်းရင်းမြစ်များ

Mąątɛ̨nɛ̨ 106:48

Mąąwiɛ 'ə kɛ Yai-Laa ɓa, yai a Israɛlə nwɔ Yálá! Wɔlɔ-wɔlɔ da wɔlɔ-wɔlɔ, və́ ɲɛ̨n dee li! Nɔi lonnii kəlee di mu hon, diɛ mą: «Yálá ə kɛ tii! Mįiną! 'Kánikookwəi!»

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 107:21

Di Yai-Laa kulɔ mɛ̨nįnwoo ɓa laa tɛ kan, da gbalo mɛ̨nįɠaai ə di kɛ nukanŋąą diɛ.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Maafîu 9:8

Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Markə 1:7

Ə kɛi mo nuą diɛ yɛ kɛ diɛ: «Nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvólón mun.

Lukə 18:43

Ŋąąɓa, ɲɛ̨i ə kɛɛ kaa. Ə hvilɛn Jesus pulu, yɛ Yálá hɛɠɛɛɓo. Nu kpului tii kɛ laa, gəlee di mɛ̨nį tii kaa; diɛ kpɛli diɛ Yálá hɛɠɛɛɓo.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»