Lukə 19:13 - Yálá laawoo hɛɓɛ (dc)

¹³ Gɛɛ hvə li, ə nwɔ tínuą powi təli, ə wəli kwələ waa tɛitɛi tɛɛ di pɔ, yɛ diɛ: ‹Ka yɔw kɛ a ɉɛn gɔwi ŋɛ̨i, ɛlɛɛ ɉu ŋą pənə ŋį́ pa.›

Yálá laawoo hɛɓɛ

¹³ Gɛɛ hvə li, ə nwɔ tínuą powi təli, ə wəli kwələ waa tɛitɛi tɛɛ di pɔ, yɛ diɛ: ‹Ka yɔw kɛ a ɉɛn gɔwi ŋɛ̨i, ɛlɛɛ ɉu ŋą pənə ŋį́ pa.›

Bible

¹³ E ǹyee-mu-ƃelai buu tôli, e pãi puu tɛ̀ɛ dípɔ, ǹyɛɛ dîa, ‘Ka káyee pene zu e lɛɛ zu ŋa pa pôlu.’

Lukə 19:13 ပူးပေါင်းရင်းမြစ်များ

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Maafîu 25:20

«Nui tii lɔɔli hɔlɔɓo, ə pa a wali kwələ pow, yɛ nąmu ɓa: ‹Námu, wali kwələ lɔɔli ɓə hiɛ ə́ dɛɛ bɔ́ ə́ lii lɔwai, kɛlaa, ŋą́ą́ kólo kɛ ɉu, ŋą́ą́ nɔɔli hɔlɔɓo ŋą́ą́ bɛlɛ ma.›

Maafîu 25:22

«Yili pulu, nui ŋɛ̨i nwali kwələ hveelɛ hɔlɔɓoi, yaa kpɛli ə pa yɛ di nąmu ɓa: ‹Ną́mu, wali kwələ hveelɛ ɓə hiɛ ə dɛ bɔ́ yɛ li. Kɛlaa, ŋą́ą́ kólo kɛ ɉu ŋą́ą́ veelɛ hɔlɔbo ŋą́ą́ bɛlɛ ma, ya ka.›

Maafîu 25:24

«Yili pulu, nui ŋɛ̨i nwali kwələ tɔ̨nɔ̨ hɔlɔɓoi, yaa kpɛli ə pa yɛ nąmu ɓa: ‹Ną́mu ŋą ə́ kɔ́lɔn a nui gili wala-walaa, nwɔ mɛ̨nį wala-walaa, ɓɛi hvó kɛɛhi li laa, nąą ɓə yá mɔ̨nun dee laa, ɓɛi hvó mɔ̨nun dan ni laa, nąą ɓə yá mɔ̨nun giɲɛ̨ kələ laa.

Lukə 19:12

Ɉanwon ə ɉɔɔ diɛ ya ka; yɛ diɛ: «Tɔɔ kwɛlii mun da, ə li lɔi takpɛli hu kwɛala, əgɛ, di tɔɔlaa tɛɛ bɔ, ə pa əgɛ bɔ tai.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.