Lukə 17:31 - Yálá laawoo hɛɓɛ (dc)

³¹ «Ɲələi tii a həli, nui a kɛ ɲəi ɲįmąn mu, hvo kɛ gaa lɔi bɛlɛ́n hɛn da həɠəi, nui nwɔ̨nɔ̨ a kɛ ɲəi ɲɛa, hvo kɛ gaa tɛi taai.

Yálá laawoo hɛɓɛ

³¹ «Ɲələi tii a həli, nui a kɛ ɲəi ɲįmąn mu, hvo kɛ gaa lɔi bɛlɛ́n hɛn da həɠəi, nui nwɔ̨nɔ̨ a kɛ ɲəi ɲɛa, hvo kɛ gaa tɛi taai.

Bible

³¹ Maa-ɣelei tí, nɛ̃ɛ naa ǹúui gáa bɛ́rɛi kɔŋ ma, kɛ́lɛ, ŋɔsãâi díkɛ ƃò bɛ́rɛi mui, vé pìlaŋ é pa dísiɣêi naa. Ǹɛɛ naa ǹúui gáa gbâlaŋ ŋái vé lì pôlu.

Lukə 17:31 ပူးပေါင်းရင်းမြစ်များ

Zôo 2:4

Kɛlaa, ɓilihi yɛ Yai-Laa ɓa: «Nu a pɛli ə mɛlan gaalon gulɔ a haláá, gbɔwɔ nwun mąąɓo mɛ̨nį ɓa. Hɛn kpɔ gaa nu yəi, a pɛli ə gəlee kwɛlɛ nwɔ yɛnɛ̨ɛ̨ mąą mɛ̨nį ɓa.

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Maafîu 6:25

Yili ɓə gɛi, gɛ́ kaa: «'Ka hvo ka liihɛlɛn a kɔ̨nɔ̨n mɛ̨nį, da yii mąąnɛ̨ɛ̨ ka gbələ, ə mą kɛ, yii mąąnɛ̨ɛ̨ ə kɛ ka yəi, kaa yɛnɛ̨ɛ̨ kɛ la. Ka hvo kpɛli ka liihɛlɛn a ka mąąhəɠə mɛ̨nį. Nu nɔw hviala hvo ɓo li hvo tɛɛ kɔ̨nɔ̨n ma? Nu kɔ́lɔ hviala hvo ɓo li hvo tɛɛ nu mąąhəɠə ɓa?

Lukə 21:21

Nąąlɔwai, nuąi da kɛ Ɉude lɔi hu, di pu də li ɲee tonnaɠaa ɓa. Nuąi da kɛ Ɉerusalɛmə, mąąnɛ̨ɛ̨ di kulɔ laa. Yiiɠaai da kɛ ɲɛɛ kɔ́wɔɠaa hu, di hvo kɛ di kaa pai taai.