Lukə 17:20 - Yálá laawoo hɛɓɛ (dc)

²⁰ Farisiɛ̨ɠaa di Jesus mąąni kɛ, diɛ mą: mįnɛ̨ lɔwai ɓə Yálá-taa tɔɔlaa kaa pai la? Jesus ə di woo pulu pənə yɛ diɛ: «Yálá nwɔ tɔɔlaai hvo pai pai ŋɛ̨i nuą di hvo gaa.

Yálá laawoo hɛɓɛ

²⁰ Farisiɛ̨ɠaa di Jesus mąąni kɛ, diɛ mą: mįnɛ̨ lɔwai ɓə Yálá-taa tɔɔlaa kaa pai la? Jesus ə di woo pulu pənə yɛ diɛ: «Yálá nwɔ tɔɔlaai hvo pai pai ŋɛ̨i nuą di hvo gaa.

Bible

²⁰ Ǹyaŋ, tãi Faresii-ŋai dí m̀arê kɛ̀ la e pîlaŋ Ɣâla ŋɔkâloŋ-laai pa-mɛni mai, e díwoo su tòo, ǹyɛɛi, “Ɣâla ŋɔkâloŋ-laa fé pâi a ŋɛi-kɛ-maa a gɛɛ ka gáa;

Lukə 17:20 ပူးပေါင်းရင်းမြစ်များ

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 16:16

«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Lukə 19:11

Nuą ŋɛ̨i Jesus woo mɛ̨n, ə hanwon ɉɔɔ diɛ yɛ diɛ pələi mąą kpua kɛ la Ɉerusalɛmə taa ɓa, nuą di kɛi di kiliŋąhiɛ diɛ kɛ diɛ: Yálá-taa tɔɔlaa kaa pai kulɔi kpɔlɔ tii ŋąąɓa di gaa.

Ɉaan 18:36

Jesus ə nwoo pulu pənə yɛ mą: «Ŋɔ́ tɔɔlaai hvo a yɛnɛ̨ɛ̨ ɓɛ tɔɔlaa, a kɛ kɛ a yɛnɛ̨ɛ̨ ɓɛ tɔɔlaa yɛ nwɔ́ holahiɠaai də li mą́ą́kɔ̨nwɔ̨, ə gɛ, Ɉuifəɠaa di hvo pa kɛ Ɉón. Kɛlaa, nwɔ́ tɔɔlaai hvo a yɛnɛ̨ɛ̨ ɓɛ tɔɔlaa.»