Lukə 16:25 - Yálá laawoo hɛɓɛ (dc)

²⁵ «Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Yálá laawoo hɛɓɛ

²⁵ «Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Bible

²⁵ Kɛ́lɛ, Eberaɣɛ̃ɛ e mò ma, ǹyɛɛi, ‘Ńôŋ, nàa é lɛ́ɛ íkili ŋá tãi í kɛ̀ la a ífului, íkɛ ísɛŋ lɛ́lɛɛ sɔlɔ ƃôi, bere tɔnɔi tíi nɔ́ ƃe Lâzara è kɛ̀ sɛŋ nyɔ́mɔɔ sɔlɔ ƃôi la. Kɛ́lɛ, loníi ma gáa ŋá-nɛnɛ sɔlɔ ƃôi ƃɛ, yáŋ íkaa mɛni-kpɔ̂lu su.

Lukə 16:25 ပူးပေါင်းရင်းမြစ်များ

Zôo 22:18

Ya pa, yili ɓə kɛi di wɔ pɛlɛ́ɠaai laahvɛɛ a mɛ̨nį lɛlɛɛ, kɛlaa, daa Yálá laa kulɔ di mąą mɛ̨nįɠaa hu.

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Mąątɛ̨nɛ̨ 49:11

Ya pa, gu ɲɛ̨i kaa kilimąą nuą diɛ, diɛ haa, ɓowo nuą da kilikpɛɛgwəi nuą, di nwun na yɛ pili a gee; diɛ di wɔ hɛn gɔw lɛɛ nu takpɛliɠaa yəi.

Mąątɛ̨nɛ̨ 73:7

Di wɔ kiliŋąhiɛ ɲɔ̨nwɔ̨ɔ̨ a kulɔ di kɔ́lɔ ɓa yɛ wulɔ, di líí laahvɛɛ a gbąną mɛ̨nį.

Woolaa 1:7

Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Maafîu 27:63

«Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Markə 9:45

Akɛ ə́ kɔ́wɔ tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, dee yɛ ə bili, viɛlaɓoɔi ə́ kɔ́wɔ ə lɛɛ yɛ́ tɔ̨nɔ̨, ə́ li Yálá-taa,

Lukə 16:20

Yeehvowolo mun da ə kɛ laa, diɛ kɛ naa ɓa: Lazarə; pala ɲɔ̨n ə kɛ mą, ə kɛ lɔ laani ɉɛn gɔw nąmui tii yəi bɛlɛ́ laaləi a yələ kəlee.

Lukə 16:23

Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Lukə 16:26

Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›

Lukə 6:24

«Kɛlɛɛ, kpalo ɓɛlaai kaa, kaa yii ka káá a hɛn gɔw nąmįną, mąąhɔlɔɓo, hɛn gəlee kaa ka yəi, ka hvo kɛa tinąą pai mɛ̨inɛ̨ɛ̨ takpɛli hɔlɔɓoi.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Dutɛrɔnome 28:17

A ka nɛ̨ŋɛ̨n naa ɲɛa kɔ́wɔ hu, da ka yəi nwɔ̨n dinii.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Tɛsalonikə dɔlɔɔ 3:3

əgɛ, nu ta hu hvo pa pu mą, háákələi mɔ̨nɔ̨ɠaa ŋɛ̨i hu, gbala ə tɔɔ, ká kili kaa ɉu káá, yili ɓə naa gu tɔwɔ.

Hebreu 11:25

Hvo hvaa mą, hvo niiɓa kɛ nɛ̨ŋɛ̨n ɉu kpɛli tiikpə, kɛlaa yaamun, ə hvaa mą da Yálá nwɔ nuą di mɔ̨nɔ̨ mįi gee pɔ.

Zɔ̂ŋ Maa-ŋuŋ 2:15

'Ká hvo yɛnɛ̨ɛ̨ wɛlila kɛ, ə mą kɛ, ɉu hɛnŋaa. Nui a yɛnɛ̨ɛ̨ wɛlilakɛ, kɛ tii Nąn Yálá nwɔ wɛlikɛmąąlaa hvo ɉu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.