Lukə 16:24 - Yálá laawoo hɛɓɛ (dc)

²⁴ Nąąlɔwai tii, ə nwoo tɛ kpɔ hɔ̨́ɔ́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Yálá laawoo hɛɓɛ

²⁴ Nąąlɔwai tii, ə nwoo tɛ kpɔ hɔ̨́ɔ̨́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Bible

²⁴ Nya ƃe e làɣi a ɣelêi-pere, ǹyɛɛi, ‘Ńâŋ Eberaɣɛ̃ɛ, ḿalôŋ káa. Lâzara tɛɛ e ǹyée kpua lɔ yâi, e ńɛŋ laɣi. Kpɛ́ni fêi, ŋ́gaa mɛni-kpɔ̂lu kâai ŋɔŋ-leŋ ŋi su.’

Lukə 16:24 ပူးပေါင်းရင်းမြစ်များ

Zôo 20:21

Nu ta hvo kɛi pu nwɔ mɛ̨nį ɲɔ̨n dɔwɔ, yili ɓa, nwɔ nwun na nɛ̨ɛ̨ hvo pai lamui ɉu.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Zakari 14:12

Nɔiɠaai tii gɔ́ pɛlɛ Ɉerusalɛmə ɓa, vaɠai Yai-Laa kaa pai di kɛlɛi la, ya ka: Di kaa pai lɛɛi di hvulú kɔ́wɔ ŋą, kolo ə pu di hu, di ɲɛ̨i kɔ́w yɛ luwun galai, di nɛ̨n yɛ luwun di la.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Lukə 16:30

«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›

Lukə 19:9

Jesus yɛ diɛ: «Ɓalo mɛ̨nį aa həli bɛlɛ́i ŋɛ̨i ɓa háákələi, mąąhɔlɔɓo, ɉulɔnui ŋɛ̨i yaa kpɛli gaa a Abrahamə lon da.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zĩi 3:6

Nu nɛn yaa kpɛlimąn, gaa yɛ nwɔ̨n, a yɛnɛ̨ɛ̨ mɛ̨nį ɲɔ̨n. Nu nɛn gaa nu tɔɔ-tɔɔɠaa lɔwai, a pɛli ə kɔ́lɔ nąą kəlee mąąliɓi, ya lɔ ɓə a yɛnɛ̨ɛ̨ kələn nu kɔ́wɔ mu yɛ ɉahanąmą.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

Samuɛlə dɔlɔɔ 28:16

Samuɛlə yɛ mą: «Akɛ Yai-Laa aa mąą kwɛa yɛ́, yɛ ɲɛ̨i ɲɔ̨nwɔ̨ɔ̨ hee yɛ́? Maaləngɛ mɛ̨nį ə́ yəi nwun maa lə?