Lukə 15:28 - Yálá laawoo hɛɓɛ (dc)

²⁸ Nu pɔlɔ laa mun ə niiɲąnwąną hvo kpɛli gɛ hvo lɔ bɛlɛ́n. Nąn ə kulɔ ɲɛnɛ̨ɛ̨, ə də li, ə niɛwoo ɓo yɛ mą: ‹'Lɔ.›

Yálá laawoo hɛɓɛ

²⁸ Nu pɔlɔ laa mun ə niiɲąnwąną hvo kpɛli gɛ hvo lɔ bɛlɛ́n. Nąn ə kulɔ ɲɛnɛ̨ɛ̨, ə də li, ə niɛwoo ɓo yɛ mą: ‹'Lɔ.›

Bible

²⁸ Kɛ́lɛ, ǹíi e ŋwàna, ve faa ŋ́i a gɛɛ e lɔ. È kɛ̀ nɔ́ tí ǹâŋ é kúla ŋínii ŋá, é gberâi fé.

Lukə 15:28 ပူးပေါင်းရင်းမြစ်များ

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉeremi 35:16

Yonadavə lonnii di wɛi, dɔ́n di kálaɓɔlɔ ə dɔɔ diɛ, di lɛɛ bulu; kɛlaa, nu huwui ŋɛ̨i hva nwóó mɛ̨n.»

Zôna 4:9

Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Maafîu 20:11

Ɉɔlɔɓoi tii di mo tii, di kwəi hvo nɛ̨ɛ̨. Mɛ̨nįi tii góló nąmu ə gɛi, di gɔɠɔ tɔɔ kɛa diɛ ɉaa.

Markə 1:40

Hvólóɲɔ̨n gɛmun da ə pa ə too Jesus kɔ́wɔ mu yɛ mą: «Akɛ ya hvaa mą, ya pɛli ə́ gɔ́lɔ́i pono ə́ mą́ą́həɠə.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Lukə 15:27

Yili ə nwoo pulu pənə yɛ mą: ‹Ə́ ləɠə ka tii aa pənə aa pa. Ə́ nąn aa nįŋɛ̨ gbɔn baa mą, gbala ə tɔɔ, aa gaa gɔlɔi ponoɔ.›

Lukə 15:29

Kɛlaa, non ə nwoo pulu pənə yɛ mą: ‹Ə́ wəli tɔɔ, aa kɛ a kwɛlan damąą, gɛ́ koló kɛ yɛ́, və́ ta ə́ woo pili li. Kɛlaa yaamun, hvo takpɛli ɓolu lon dɛɛ li bɔ́, kwa mɛ́laa ku hvo mį́į́ a kwəinɛ̨ɛ̨.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 14:2

Kɛlaa, Ɉuifə yiiɠaa lɔwai, di hvo gɛ di hvo laa di woo la, di nu takpɛliɠaa ɲąątɛ a yowolaa gu nąn nonnii ti diɛ.

Lomaŋ 10:19

Akɛti Israɛlə lonni di hvo mɔ̨ɔ̨ gbaɠala kaa? Yá pa Moisə ə kpɔ diɛ: «Gáá pai tóló lɔi ka hu huwu takpɛliɠaa mąą mɛ̨nį ɓa, ŋą́ ka wɔ lii kələn gwəi hu kɛnɛ̨ huwu takpɛliɠaa mąą mɛ̨nį ɓa, diɛi kili hvo diɛ.»

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Samuɛlə dɔlɔɔ 17:28

Davidə niɛ nu pɔlɔ Eliavə ə Davidə woo mɛ̨n, ɓɛlɔwai Davidə da nuą di kɛi nono kɛ la. Níi ə holi nəɠə pɔ, yɛ mą: «Lə ɓə mun ə́ pa ɓɛ gɛi? Gbɛɛ ɓə ə́ daatɛlɛɛ logoloi tii lɛɛ ɲəi nɔi pun ɉu? Ŋą́ ə́ kɔ́lɔn, ə́ kaa wúu; ə́ wɔ kiliŋąhiɛ hvo lɛlɛ li, gɔ́ naa kaa mɛ̨nį ɓə ə́ paa la.»

Samuɛlə dɔlɔɔ 18:8

Saulə lii ə holi kpɔ kɛnɛ̨, nwələ woo tii ə nwąną ma, yɛ kɛ diɛ: «Daa waa pow tɛɛ Davidə pɔ; ə lɛɛ, ɲą́ą́n diɛ waa tɛɛ bɔ́. Lə kpɔ ɓə kɛa lɛɛ pulu Davidə yəi, ə kulɔ dɔɔlaa pulu!»