Lukə 14:23 - Yálá laawoo hɛɓɛ (dc)

²³ «Ɉulɔnui tii ə mo nwɔ̨nɔ̨ nwɔ tímun ma, yɛ mą: ‹'Li daa pulu, ɲɛa pələɠaa pɔ, galaɠaa koo ɓa, nui lɔpee yá gaa laa, ə́ mo mą kpɔ a ə́ nwąnąąi ə pa, əgɛ, nwɔ́ɔ́ pɛlɛi laa ə hvɛɛ.

Yálá laawoo hɛɓɛ

²³ «Ɉulɔnui tii ə mo nwɔ̨nɔ̨ nwɔ tímun ma, yɛ mą: ‹'Li daa pulu, ɲɛa pələɠaa pɔ, galaɠaa koo ɓa, nui lɔpee yá gaa laa, ə́ mo mą kpɔ a ə́ nwąnąąi ə pa, əgɛ, nwɔ́ɔ́ pɛlɛi laa ə hvɛɛ.

Bible

²³ Nya ƃe ŋɔnuu-namui e mò ǹyée-mu-nuui ma, ǹyɛɛi, ‘Lí bere-ŋai kao ma da gbâlaŋ ŋá-pere-ŋai, í kpala ǹûai lá dí pá a gɛɛ ŋápɛrɛi lá e fɛɛ.

Lukə 14:23 ပူးပေါင်းရင်းမြစ်များ

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 5:41

Akɛ ə́ yee tɛɛ mąą mun a ə́ kpaan, yɛ ə́ nwɔ tiɛ̨ həɠə, ka pələkələn dɔ̨nɔ̨ hu hiɛ ɓo, lɛɛ bulu, ka veelɛ hu hiɛ ɓo.

Lukə 14:22

«Nąą ta wolo əgɛ lɔ, góló kɛmun ə pənə ə pa, yɛ nąmu ɓa: ‹Mɛ̨nįi ə́ mo, ŋą́ą́ gɛ, kɛlaa, heei aa nwɔ̨nɔ̨ lɛɛ.›

Lukə 14:24

Gáá moi kaa, nuą tii ŋį́ di təli, dɔ̨nɔ̨ kpɛli hva kɛa nwɔ́ kɔ̨nɔ̨n tii ta mį́į́.›»

Lukə 24:29

Kɛlaa, di ɉu hon diɛ mą: «Gu yii ɓɛ, kpinį aa gbɛa pɛlɛ.» Da diɛni di lɛɛ laa.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.