Lukə 14:21 - Yálá laawoo hɛɓɛ (dc)

²¹ «Góló kɛmun tii ə pənə ə pa nąmu pɔ, ə nwooɠaa tii kəlee hukulɔ mą. Bɛlɛ nąmui tii ə nii ŋąnwąną kpɔ kɛnɛ̨, ə mo nwɔ tímun ma, yɛ mą: ‹'Li gwəli hɛ̨ąiɠaa ɓa, daa pɔ, nui lɔpee yá kwiɛn na, ə́ mo mą; ə kɛ a: yeehvowolomun, ə kɛ kpɛɠiimu, ə kɛ a ɲɛ̨ipumun, mo diɛ di pa ɓɛ.›

Yálá laawoo hɛɓɛ

²¹ «Góló kɛmun tii ə pənə ə pa nąmu pɔ, ə nwooɠaa tii kəlee hukulɔ mą. Bɛlɛ nąmui tii ə nii ŋąnwąną kpɔ kɛnɛ̨, ə mo nwɔ tímun ma, yɛ mą: ‹'Li gwəli hɛ̨ąiɠaa ɓa, daa pɔ, nui lɔpee yá kwiɛn na, ə́ mo mą; ə kɛ a: yeehvowolomun, ə kɛ kpɛɠiimu, ə kɛ a ɲɛ̨ipumun, mo diɛ di pa ɓɛ.›

Bible

²¹ Nya ƃe ǹyée-mu-nuui e pà e mɛnii ŋi su kula ŋɔnuu-namui ma. Ŋɔnuu-namui líi e ŋwàna, ǹyɛɛ ǹyée-mu-nuui ma, ‘Lí a nâa maa félaa daai sama bere kɛ́tɛ-ŋai da bere pɛlɛɛ-ŋai ma, í pa a gôlo-ƃelai, da nûa woŋo-kpalaa-ma-ŋai, da ŋɛi-pu-ƃelai, da gɔɔ-saa-ƃelai.’

Lukə 14:21 ပူးပေါင်းရင်းမြစ်များ

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 38:7

Aa níí too pulu, víi aa kpɛɛ, ɉú aa haa, gáá lɔ kɛa a gɔ́lɔ́ haa mą́ą́ a yələ kəlee.

Azaya 33:23

Ə́ wɔ yɛliɠaa hu aa haa, di hvo kɛa gələn ɉiɛ hɛn ɉon ɉii a nwala walaa, di hvo kɛa húú pilii, nąąlɔwai, di kaa pai doomɛ̨i hɛn gɔwɠaa ɲąąkwɛlɛi la a gbulu kɛnɛ̨ɛ̨; kpɛlɛɠɛlɛn ɲɔ̨n gɛ nuą kəlee di kaa pai kɔ́ hon ɉɔlɔɓoi;

Azaya 35:6

Nąąlɔwai nui tooi gɔwɔ mɛ̨i, gaa pai pilii yələi yɛ lómą, muúgbɛ laaləi yɛ tómą a kwəinɛ̨ɛ̨, tɛɛyáɠaa diɛ laa lɔi pun ɉu kpalaa hu, yálee hvaŋą kpɛa-kpɛaɠaa diɛ laa ɓɛi kɛ nąą kpalaa a bɔlɔ.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Zakari 11:11

Di gala a mąą yələ, daatɛlɛɛ lɔwɔ́tɔɔ nuą ɲɛ̨i heɛ lɔ kɛ mą́ą́, di gbaɠala kaa diɛ kɛ, Yai-Laa woo pɔ mɛ̨nį ka tii kɛi.

Zakari 11:7

Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 15:12

Jesus nwɔ kalan nɛai di lɛɠɛ mą diɛ mą: «Ə́ gɔlɔn yɛ diɛ mɛ̨nįɠaa ŋɛ̨i ə́ mo Farisiɛ̨ɠaa, diɛ aa kɛ yɛ kwɛi kɔ́wɔ a kpəɲan di tɔwɔ?»

Maafîu 18:31

Yii kɛa mɛlaa di yili naa kaa tii, ə nwąną kpɔ diɛ kɛnɛ̨, dəli di mo di nwun nąmu ɓa.

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Lukə 14:13

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Lukə 14:20

Dɔnɔ̨ yɛ mą: ‹Kələi lɔ ɓə ŋą́ą́ nɛ̨́ą ya la, yili ɓa, vá pɛli pai.›

Lukə 14:22

«Nąą ta wolo əgɛ lɔ, góló kɛmun ə pənə ə pa, yɛ nąmu ɓa: ‹Mɛ̨nįi ə́ mo, ŋą́ą́ gɛ, kɛlaa, heei aa nwɔ̨nɔ̨ lɛɛ.›

Lukə 14:24

Gáá moi kaa, nuą tii ŋį́ di təli, dɔ̨nɔ̨ kpɛli hva kɛa nwɔ́ kɔ̨nɔ̨n tii ta mį́į́.›»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lukə 9:10

Jesus nwɔ nu pow kɔ́w hveelɛ tii ə di tɔɔ, di pənə di pa, yiiɠaa kpɔ di gɛ, di gəlee hukulɔ mą. Ə di həɠə, da diɛni də li Bɛtsaida daa kwɛlɛ, di tɔ̨nɔ̨ kɛɛnąą.

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Samuɛlə dɔlɔɔ 25:12

Davidə nwɔ hilɛlɛai di pənə di pulu, di pa a di yeehvowolo, di mɛ̨nįɠaa tii kəlee hukulɔ Davidə ɓa.