Lukə 14:13 - Yálá laawoo hɛɓɛ (dc)

¹³ Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Yálá laawoo hɛɓɛ

¹³ Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Bible

¹³ Kɛ́lɛ, yà kúu kɛ̀, ye ƃɛlɛ-toli ƃó a gôlo-ƃelai, bɛlɛɛ ǹûa woŋo-kpalaa-ma-ŋai dîa, da gɔɔ-saa-ƃelai, da ŋɛi-pu-ƃelai.

Lukə 14:13 ပူးပေါင်းရင်းမြစ်များ

Samia Veerɛi 6:19

Yili pulu, ə nɛɛ mą ə lɛɠɛ kpuɔ tɛitɛi tɛɛ nu kpului tii kəlee pɔ, ə bɛlɛ nwɔ̨mįi ɓa, nɛ̨ą mąn, hinąą mąn, nu kəlee di ɉɔlɔɓo. Yili pulu, nu kəlee ə li ɲəi bɛlɛ́ laaləi.

Kɔlɔnikɔ Veerɛi 30:24

Hvó gaai, tɔɔmun Ezekiasə ə nįnɛ̨ hilɛ waa tɔ̨nɔ̨ da taatɛlɛɛ pɛlɛɛɠaa waa mɛ̨ihveelɛ həɠə ɉu a nu kpulu nwɔɔ; ɛlɛɛ, galanɉonŋąą di nįnɛ̨ hilɛ waa tɔ̨nɔ̨ da taatɛlɛɛ pɛlɛɛ waa pow həɠə ɉu a nu kpulu nwɔɔ. Ɉaláá laa həli nuą di di mąąhəɠə kpɔ a di kpulu kɛnɛ̨.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Nehemi 8:12

Nɔi lonnii kəlee diɛ kɛa li di kɔ̨nɔ̨n mįi diɛ di kpələ. Nuą yiiɠaai hɛn da hvo kɛ di yəi, diɛ di kɔ́, di kəlee diɛ kwəinɛ̨ɛ̨ kɛnɛ̨ kulɔ. Mąąhɔlɔɓo, nwooɠaai di mo diɛ, daa kɛ ŋąą kaa.

Zôo 29:13

Nuąi kɛ di haa kɔ́wɔ ŋą, di kɛi lúwɔ́ too mą́ą́. Ɛlɛɛ, ŋį́ ɓo a kalaninŋaa di wɔ kwəinɛ̨ɛ̨.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Maafîu 15:30

Nu kpulu kɛnɛ̨ ə həɠə yɛ pa bɔ. Daɠaa diɛ pa a di wɔ kɔ́wɔ nwąną ɲɔ̨n gɛ nuą, daɠaa diɛ ɓo a ɲɛ̨i pu nuą, daɠaa diɛ ɓo a muugbɛ, daɠaa diɛ ɓo a kpɛɠii ɲɔ̨n gɛ nuą, ə lee, da ɲɔ̨n ɉuwu lɔpee gəlee kɛ nuą. Di pa a diɛ di di pu Jesus kɔ́wɔ, mu ɲee kɔ́wɔ la, ə gəlee kɔ́lɔi pono.

Maafîu 22:10

«Diɓo kɛ nuą di hɛgɛ də li gwəliɠaa lɔwai, nuą lɔpee di kɛi di kaa, nu lɛlɛɛ ma ə mą kɛ nu ɲɔ̨nwɔ, di kɛi di təli tɔɔmun nwɔ hɛli hu. Gəlee di pa di bɛlɛ́ laa hvɛɛ.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 14:12

Nui ŋɛ̨i dəli, yɛ yili ɓa: «Yá kɛ ə́ kaa nuą təli la kɔ̨nɔ̨n mai, ə kɛ a hvóló ŋą, ə kɛ a yələwulii, hvó gɛ lɔ a ə́ wɛlikɛmąą nuą da ə́ kaayɔɠaa, a wala kɛ tii, hɛn nąmįnąi di kaa ə́ kwɛlɛ; əgɛ, diɛ kpɛli di hvo pa ə́ təli kɔ̨nɔ̨n ma hvóló ta. A kɛ tii, mɛ̨inɛ̨ɛ̨ tii ə́ gɛ, daa gwələ kulɔ.

Lukə 14:14

Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

Lukə 14:21

«Góló kɛmun tii ə pənə ə pa nąmu pɔ, ə nwooɠaa tii kəlee hukulɔ mą. Bɛlɛ nąmui tii ə nii ŋąnwąną kpɔ kɛnɛ̨, ə mo nwɔ tímun ma, yɛ mą: ‹'Li gwəli hɛ̨ąiɠaa ɓa, daa pɔ, nui lɔpee yá kwiɛn na, ə́ mo mą; ə kɛ a: yeehvowolomun, ə kɛ kpɛɠiimu, ə kɛ a ɲɛ̨ipumun, mo diɛ di pa ɓɛ.›

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.