Lukə 13:8 - Yálá laawoo hɛɓɛ (dc)

⁸ Kɛlaa, ɉihɛn mɛ̨i kaa mun ə mo ɉihɛn nąmu ɓa, yɛ mą: ‹Nwɔ́ɔ́ mɛ̨nį nąmu, nɛɛ laa, gwɛlan ŋɛ̨i ə tɛɛ ma nwɔ̨nɔ̨. Gáá gwɛlɛ kulɔi ŋį́ dínɛ̨n mą, yili pulu, ŋą túlun bɔlɔ pu gwɛlɛ.

Yálá laawoo hɛɓɛ

⁸ Kɛlaa, ɉihɛn mɛ̨i kaa mun ə mo ɉihɛn nąmu ɓa, yɛ mą: ‹Nwɔ́ɔ́ mɛ̨nį nąmu, nɛɛ laa, gwɛlan ŋɛ̨i ə tɛɛ ma nwɔ̨nɔ̨. Gáá gwɛlɛ kulɔi ŋį́ dínɛ̨n mą, yili pulu, ŋą túlun bɔlɔ pu gwɛlɛ.

Bible

⁸ Nya ƃe e ŋ̀óo su tòo, ǹyɛɛi, ‘Ńâmu, ǹɛɛ naa góraŋ ŋí su. Ŋa pâi m̀aa sinîi, ŋá taa-sua-kpo pu mà.

Lukə 13:8 ပူးပေါင်းရင်းမြစ်များ

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 18:20

Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Lukə 13:7

Ə mo ɉihɛn mɛ̨i kaa mun mą, yɛ mą: ‹Ɓɛ kaa ləi, aa kɛ a kwɛlan ɉaaɓa, ŋį́ pa lɔ ɓɛ, əgɛ, ŋą moláá wului ŋɛ̨i ma kulɔ, kɛlaa, va hɛn da kaa ɉu. Yili ɓa, mąąnɛ̨ɛ̨ ə́ dee, hvo pa kɛ lɔ ɓɛ ɉihɛn ɉu kpɛli-kpɛli.›

Lukə 13:9

Yili hu, gwɛlan tii pai, gaa pai ɓai kiɛ. A wala ɓa, ə́ mo di dee.›»

Lukə 14:35

Hvo kɛa a pɔlɔ lɛlɛ hɛn, hvo nwɔ̨nɔ̨ a tulun bɔlɔ; bili lɔ ɓə da mo. Nui mɛ̨nį mɛ̨n nwəli kaa mą, ə mɛ̨n a nɛlɛɛ.»

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.