Lukə 13:19 - Yálá laawoo hɛɓɛ (dc)

¹⁹ Gɛ pələ a pɛli ə kɛ yɛ, hihɛn gɔw logolo tiikpə ta, yii nu ta ə ɉəɠə ə ɉin ɲəi ɲɛa. Ə ɓɔn, ə kɛ a wulu kɛnɛ̨. Nwɛ̨niɠaa di pa diɛ di taa tɔɔ ɉu.»

Yálá laawoo hɛɓɛ

¹⁹ Gɛ pələ a pɛli ə kɛ yɛ, hihɛn gɔw logolo tiikpə ta, yii nu ta ə ɉəɠə ə ɉin ɲəi ɲɛa. Ə ɓɔn, ə kɛ a wulu kɛnɛ̨. Nwɛ̨niɠaa di pa diɛ di taa tɔɔ ɉu.»

Bible

¹⁹ Gáa nɔ yɛ̂ɛ mɛsɛ-kaoi nyii nalôŋ e zìɣe e bili ŋɔsuâi su; e pɔmûŋ é kɛ́ a wúru, ŋɔni-ŋai ŋelei sui dí dítaa tɔɔ ŋoŋo-ŋai su.”

Lukə 13:19 ပူးပေါင်းရင်းမြစ်များ

Wɛli 4:12

Ə́ Kaa a nɔw yɛa mąąkwənąnŋąą, oo níiɓa nɛ̨ɛ̨nu! Nwɔ́ wɛli! Ə́ kaa a yáton mąąkwənąnŋąą, yá nwun gulɔi nąmu kɔ́lɔn ɉi kaa mą.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Wɛli 6:2

Nwɛ́likɛmąąmun gaa yɛɛi ɲəi nɔw yɛa, nwulu powa kun nɛ̨ɛ̨ tii hu; Yɛ li nwɔ taatɛlɛɛɠaa kɔ̨nɔ̨n gɛi laa, ɛlɛɛ yɛ ɲagbudɛn bowa ta kulɔ.

Wɛli 8:13

Nwɛ́likɛmąą nɛ̨ɛ̨nu! Yɛ́i ə́ kaa heeni nɔw yɛa, mɛ́laaɠaa kaa ɓɛ, di wəli tɔɔ, ə́ woo ɓa. Ə́ woo tɛ, ɲą́ą́ gbɛli ŋą́ mɛ̨n.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 31:6

Yələi nwɛ̨nįɠaa di kɛi di taa tɔɔ nwoŋoɠaa hu, lɔwɔ huwɔɠaa diɛ di kaa mu, lɔi kpulu tamąą diɛ taa pu nįnįn mu,

Danîa 4:12

Kɛlaa, ka nwun gbə lɛɛ laa da ɉamuɠaa, Ka di kpulɔn a kwɛli yɔwɔn, da ɓala kwɛli yɔwɔn, ka di kpulɔn lɔwɔi, kala hu, ə gɛ, luwuluwu tulɔ ə pu mą, da lɔwɔi huwɔɠaa di kɔ̨nɔ̨n ə kɛ a kala nwunu.

Danîa 4:21

Ɉįi tii ɉukulaa ka; yɛ pələi Yálá yii gaa hɛn gəlee nwun mɛ̨i ə gbən dee la ə́ mąą mɛ̨nį hu, nwɔ́ tɔɔmun:

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Markə 4:30

Jesus ə mo nwɔ̨nɔ̨ diɛ yɛ diɛ: «Lə ɓə gwa pɛli gu Yálá-taa tɔɔlaa kɔ́ɔn mą? A wala kɛ tii, hanwon nə kɛɛ ɓə gwa pɛli gu ɉɔɔ yɛ hvilɛn mą?

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»