Lukə 12:48 - Yálá laawoo hɛɓɛ (dc)

⁴⁸ Kɛlaa, nui hvo nąmu liiɓa kɔ́lɔn, a gala, di hva gɛlɛ a hvaɠa ɲąą tamąą. Nui da hɛn gɛnɛ̨ tɛɛ bɔ, ya ɓə da damąą hvɛli mą. Nui da hɛn tamąą kalihvaɓo mą, ya ɓə da damąą kwɛli ɲəi.»

Yálá laawoo hɛɓɛ

⁴⁸ Kɛlaa, nui hvo nąmu liiɓa kɔ́lɔn, a gala, di hva gɛlɛ a hvaɠa ɲąą tamąą. Nui da hɛn gɛnɛ̨ tɛɛ bɔ, ya ɓə da damąą hvɛli mą. Nui da hɛn tamąą kalihvaɓo mą, ya ɓə da damąą kwɛli ɲəi.»

Bible

⁴⁸ Kɛ́lɛ, ǹúui ve gɔlɔŋ, kɛ́lɛ, e mɛni nyɔ́mɔɔ kɛ̀ nyii da pɔ̂ri ǹókwâi mɛni mai, da pâi ǹókwâi a guro-te. Ǹúui da dámaa tɛɛ bɔi, fɛ̂ɛ e dámaa tɛɛ pôlu; ǹúui a sãâ támaa mɛi kâai, ŋûa-kpiri ƃa é dámaa mɛi káa.

Lukə 12:48 ပူးပေါင်းရင်းမြစ်များ

Levetekɔ 5:17

«Nu ta a nɛ̨ŋɛ̨n ɉəɠə, yɛ Yai-Laa nwɔ tiɓo ta kala dɛɠii pələ yɛ ɉɔn gɛ la tii, yɛ nɛ̨ŋɛ̨n nɛ̨ɛ̨ la gbɔwɔ nwuɔ̨,

Lonon mo 15:27

«Akɛ nu tɔ̨nɔ̨ gbən ɓə dɛɠii nɛ̨ŋɛ̨n tii həɠə, a pa a kwɛlan dɔ̨nɔ̨ ɓooli, a nɛ̨ŋɛ̨n mąąhvaalɛɛ haláá kulɔ hɛn.

Maafîu 13:12

Mąąhɔlɔɓo, nui a da hɔlɔɓo da pənə nwɔ̨nɔ̨ di da tɛɛ bɔ, əgɛ, ə kɛnɛ̨ ɲəi. Kɛlaa, nui gaa ɲəi tiikpə, da yili woloi kulɔ ɲəi, ə lɛɛ a ɲeehowolo.

Maafîu 23:14

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka kɛ tooi kalanin nɛ̨ąą mɛ̨i, kaa hɛn gulɔ di yəi, kaa lamu Yálá hvɛliɛ hu, ə gɛ, nuą di ka káá a nu haɉaaɠaa. Yili ɓə gaa mą, ka wɔ kitii kaa pai walawalai kpɔ kɛnɛ̨.

Lukə 12:41

Piɛrə yɛ mą: «Ną́mu, ə́ ɉanwon ŋɛ̨i hɔɔ a kuɔ tɔ̨nɔ̨ ku wɔɔɔ, a wala kɛ tii, nu kəlee nwɔɔ li?»

Lukə 12:49

«Ŋą́ pa yɛnɛ̨ɛ̨ nwɔ̨n ɉee mɛ̨nį ɓa. Ŋą́ kɛ bɔ, nwɔ̨n tii ə kɛ a ɉeɛ.

Lukə 16:2

Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Dutɛrɔnome 25:2

Akɛ mąąnɛ̨ɛ̨ di ɉɔn mąą mun gɛlɛ, giti tee mun a bɛlɛ nɔi ɓa, di gɛlɛ ɲɛ̨i ɓa, yɛ bələi ɉɔn ə kɛ la.

Timote dɔlɔɔ 1:11

Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.