Lukə 12:4 - Yálá laawoo hɛɓɛ (dc)

⁴ «Gáá moi kaa, kaa ŋɛ̨i a mɛ́laa ni: Nui a nu kɔ́lɔ paa, hva pɛli hɛn da kɛi a níí, ka hvo ɲɔw mą.

Yálá laawoo hɛɓɛ

⁴ «Gáá moi kaa, kaa ŋɛ̨i a mɛ́laa ni: Nui a nu kɔ́lɔ paa, hva pɛli hɛn da kɛi a níí, ka hvo ɲɔw mą.

Bible

⁴ “Ŋá m̀ó kâa, ŋáwɛli-kɛ-maa-ƃelai, káfe yào dîa diai da gbonoi pâa, nyíti naa pôlu ma mɛni da fé naa a gɛɛ da pɔ̂ri gɛ̂i.

Lukə 12:4 ပူးပေါင်းရင်းမြစ်များ

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Ɉeremi 1:17

Kɛlaa, ə́ wɛi, 'ə́ hąą yili, 'ə́i muhəgə, mɛ̨nįi lɔpee ŋį́ ə́ tí la mo diɛ. 'Hvó nɛɛ laa di hvo ə́ mąą ɲɔw, di hvó hee ə́ mɛ̨i; ya gɛ tii, ɲą́ą́ ɓə pai ə́ hu pui yɛ́ di ɲɛ̨i ɓa.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Ɉaan 15:13

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Filipə 1:28

'ká hvo nɛɛ laa ka yowoɠaa di hvo ka mąą ɲɔw mɛ̨nį ta hu, yili a di kili pu ɉu, diɛ, di kaa nwun na pili pələ mɛ̨i, kɛlaa ka wɛi, ə ɓo a ɓalo pələ. Yili a həɠə Yálá pɔ.

Zĩi 2:23

ɛlɛɛ, mɛ̨nįi ɉɛɓɛ́ ə mo, bɔ mɛ̨nį ə kɛ, yai ə kɛ mą: «Abrahamə, ə laa Yálá la, yili ɓə gɛ a tələnmomun»; ɛlɛɛ, di naa hee a Yálá mɛlan.

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.