Lukə 12:32 - Yálá laawoo hɛɓɛ (dc)

³² «Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Yálá laawoo hɛɓɛ

³² «Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Bible

³² “Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Lukə 12:32 ပူးပေါင်းရင်းမြစ်များ

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Maafîu 14:27

Ŋąąɓa Jesus ə mo diɛ yɛ diɛ: «'Ka hvo ɲɔ̨w, ka ka liilaa; ɲą́ą́ ka tii!»

Maafîu 20:16

Jesus kpɛɛ kɛa a mɛ̨nįɠaa tii ɓoɔ, ə nwoo ŋɛ̨i ɓo kɛa, ə naa mɛ̨i yɛ diɛ: dɔɔ dɔwɔɠaa kaa pai kɛi a nɛɛ bulu nuą, nɛɛ pulu nuą di kɛ a dɔɔ dɔwɔ nuą.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Ɉaan 18:36

Jesus ə nwoo pulu pənə yɛ mą: «Ŋɔ́ tɔɔlaai hvo a yɛnɛ̨ɛ̨ ɓɛ tɔɔlaa, a kɛ kɛ a yɛnɛ̨ɛ̨ ɓɛ tɔɔlaa yɛ nwɔ́ holahiɠaai də li mą́ą́kɔ̨nwɔ̨, ə gɛ, Ɉuifəɠaa di hvo pa kɛ Ɉón. Kɛlaa, nwɔ́ tɔɔlaai hvo a yɛnɛ̨ɛ̨ ɓɛ tɔɔlaa.»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Gɛlaɠaa 20:29

Gili kaa kpɔ ɉu, gɛ́, ŋą́ pa həɠəi ɓɛ, kwɛli kpəɠiɛɠaa kaa pai lɔi ká lɔwai, di hvo pai daatɛlɛɛɠaa ɲɛ̨imąąwɛli kaai.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Tɛsalonikə veelɛ 1:11

Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą

Tɛsalonikə veelɛ 1:5

Di kaa a Yálá ŋą kiti haŋąąi hu mɛ̨nįɠaa, ɉəli mɛ̨nį káá, nwu maa, di ká kɛ a nuąi di mąąnɛ̨ɛ̨ a Yálá ŋą tɔɔlaa hu nuą, yai ká káá mąą mɔ̨nɔ̨ mįi.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.