Lukə 11:42 - Yálá laawoo hɛɓɛ (dc)

⁴² «Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Yálá laawoo hɛɓɛ

⁴² «Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Bible

⁴² “Kɛ́lɛ, kpalo ƃélaâi káai a Faresii-ŋai kâa! Bôlo da kúŋwuru, bɛlɛɛ zí-sɛŋ pɛlɛ-pɛlɛɛi dia díkaa kásûai sui, ka Ɣâla ŋɔi tɛ́ɛ bɔ, kɛ́lɛ, ka mɛni-sãai da Ɣâla ŋɔwɛli-kɛ-maai lɛ̂ɛ; fɛ̂ɛ nyii-ŋai ŋi ƃe kâi pɔ̂ri gɛ̂i, nyaŋ káfe gbeli-ŋai lɛ̀ɛ pôlu.

Lukə 11:42 ပူးပေါင်းရင်းမြစ်များ

Nehemi 10:37

Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Malasi 3:8

Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Maafîu 23:27

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa. Mąąhɔlɔɓo, ka káá yɛ kámą yii da mɛ̨i pələ kwələ, ya gaa yɛ ɉu pələ a kɛ a nəlɛɛ. A mɛ̨nį gɛ, nu kɔ́w lɔ ɓə puuni ɉu.

Lukə 18:12

Ŋą́ hin nɔ gee mɛ̨i hveelɛ lɔwɔ tɔ̨nɔ̨ yee mu, gɛ́ nwɔ́ hɔlɔɓo hɛnŋąa kəlee bow nąą tɛɛ ə́ pɔ.›

Ɉaan 5:42

Kɛlaa, ŋą ka kɔ́lɔn, Yálá nwɔ wɛlikɛmąąlaa hvo ka yəi.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.