Lukə 10:33 - Yálá laawoo hɛɓɛ (dc)

³³ Kɛlaa, Samari mun da ə kɛi li hiɛ ɓa, bələ tɔ̨nɔ̨i tii pɔ pələ. Ə həli nu lɛɠɛi tii ɓa. Ɓɛlɔwai ə gaa la, ɲɛ̨imąąwɛli ə ɉon kpɔ kɛnɛ̨.

Yálá laawoo hɛɓɛ

³³ Kɛlaa, Samari mun da ə kɛi li hiɛ ɓa, bələ tɔ̨nɔ̨i tii pɔ pələ. Ə həli nu lɛɠɛi tii ɓa. Ɓɛlɔwai ə gaa la, ɲɛ̨imąąwɛli ə ɉon kpɔ kɛnɛ̨.

Bible

³³ Kɛ́lɛ, Sameria-nuu tɔnɔ e kɛ̀ tɛɛ̂i berei ti su, e pà kulâi ma. Tãi e gàa lai, m̀alôŋ e zòŋ.

Lukə 10:33 ပူးပေါင်းရင်းမြစ်များ

Tɔɔɓɛlaa dɔlɔɔ 8:50

Ə́ wɔ nu huwui ŋɛ̨i nɛ̨ŋɛ̨n ɉəɠə yɛ́, mąąhvaalɛɛ, ə́ di wɔ kulɔ nwoo mu laa kəlee mąąhvaalɛɛ. Nuąi da kɛ di yəi luwɔlaa hu, gɛ, yiliɠaai di di ɲɛ̨imąąwɛli kaa. Ə kə! Di di ɲɛ̨imąąwɛli kaa.

Lɛɛ gbɔwɔ ɓa 2:6

Pai di mo la, ə gbɔ́lɔ́ la həɠə, ə nokoloi tii kaa laani ɉu, yɛ wɔlɔ. Mąąwɛli ə ɉon, yɛ diɛ: «Hebreu ta lon ga!»

Hanwon 27:10

'Hvó tee ə́ ɓɛlan bulu, ə mą kɛ ə́ nąn mɛlan. 'Hvó li ə kaayɔwɔ pɔɔli a ɲələi ya kpaan na. Heeyɔwɔlaa hviɛlaɓoɔi kaayɔwɔlaai mąą kwɛaa yɛ́, mą.

Maafîu 10:5

Nu pow-kɔw-hveelɛi tii Jesus ə di tɔɔ, ə di liɛwoo kɛ, yɛ diɛ: «Líi ka káá moi; ɓɛi Ɉuifəɠaa di hvo laa, 'ka hvo li nąą bələ. 'Ka hvo li kpɛli Samari taa ta hu.

Maafîu 18:33

Mąą nɛɛi kɛ, yɛ kpɛli mąn ə́ ɓɛlan mąąhvaalɛɛ yɛ pələi tii ŋą́ ə mąąhvaalɛɛ la; mąąhɔlɔɓo, aa nɛ̨ɛ̨mąą hvə yɛ.›

Lukə 10:32

Ə kɛ kpɔlɔ tii, Levi huwu hu mun da, yɛ pa tɛɛi a bələ tɔ̨nɔ̨ tii. Ə ɉulɔnui tii kaa too ni bələi, ə mąą laa kpɔ a ɉu kwɛaa, bələ wəli yii tii mɛ̨i pələ ə tɛɛ.

Lukə 10:34

Ə lɛɠɛ mą, ə wulɔ da lɔɔ kpona pu balaɠaa ŋą, əgɛ a ɉalə. Yili pulu, ə dɛ ə ɉee nwɔ hoohvaalən bulu, ə li la taai, ɓɛi nwea da kɛ yii laai, əgɛ, di di ɲɛ̨i kɛ mą a nɛlɛɛ.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Ɉaan 4:9

Samari nɛ̨ɛ̨nui tii yɛ Jesus ɓa: «Gɛ pələ kaa ləi yaan, yɛ́i ŋɛ̨i a Ɉuifə, yɛ kpələyá hvɛli Samari nɛ̨ɛ̨nu ɓa?» Yaan Ɉuifəɠaa da Samari nuą di hvo kɛ nɛ̨ɛ̨li.

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»