Lukə 10:31 - Yálá laawoo hɛɓɛ (dc)

³¹ Ɉu hvo kpɛli kwɛa, ɉala laa həli mun da yɛ pa tɛɛi a bələi tii. Ɓɛlɔwai ə ɉulɔnui tii kaa la too ni bələi, ə mąąlaa bələ wəli mɛ̨i pələ.

Yálá laawoo hɛɓɛ

³¹ Ɉu hvo kpɛli kwɛa, ɉala laa həli mun da yɛ pa tɛɛi a bələi tii. Ɓɛlɔwai ə ɉulɔnui tii kaa la too ni bələi, ə mąąlaa bələ wəli mɛ̨i pələ.

Bible

³¹ Nàa kɛ́ɛ ti, sâla láa soŋ-nuu tɔnɔ e kɛ̀ tɛɛ̂i nàa-pere. Tãi e gàa lai, e m̀aa lâa, e tɛɛ bere-ƃelai nyíti mɛi-pere.

Lukə 10:31 ပူးပေါင်းရင်းမြစ်များ

Samia Veerɛi 1:6

Ɉulɔnon tii yɛ mą: «Nąąlɔwai ŋą́ kɛ Gilboa yee ɓa, Saulə ə kɛ laa, dunwɔ̨n ŋąą nwɔɔ kpalai mɛ̨i. Gɔ kɔ́ wotoloɠaa da ɉoo gilɛ həɠə nuą diɛ lɛɠɛ mą kpɔ hɔɔlɛɛ,

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Osia 6:9

Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lukə 10:30

Jesus ə nwoo pulu pənə yɛ mą: «Hulɔnu ta ə həɠə Ɉerusalɛmə, yɛ li Ɉeriko daai. Mɛ̨nį ɲɔ̨n gɛ nuą di wolo ma bələi, di gɛlɛ, di mąą hɛnŋąa kəlee kulɔ ɲəi, di nɛɛ laa too ni a nɛɠɛ, diɛ li.

Lukə 10:32

Ə kɛ kpɔlɔ tii, Levi huwu hu mun da, yɛ pa tɛɛi a bələ tɔ̨nɔ̨ tii. Ə ɉulɔnui tii kaa too ni bələi, ə mąą laa kpɔ a ɉu kwɛaa, bələ wəli yii tii mɛ̨i pələ ə tɛɛ.

Rutə 2:3

Lii Rutə ə mo kpai tee nuą pulu gban ɉu kwɛlii, nwun na ə nɛ̨ɛ̨, ə li Elimelɛkə pulu mun ŋɛ̨i da kɛ naa ɓa: Boozə, ɲəi ɲɛa.