Lukə 1:77 - Yálá laawoo hɛɓɛ (dc)

⁷⁷ Ə lɛɛ, ə́ nɛ nwɔ nu huwuɠaai diɛ, yɛ diɛ: gaa pai ka nwun mąąɓoi ə ka kulɔ ka kɛ nɛ̨ŋɛ̨nŋąa hu.

Yálá laawoo hɛɓɛ

⁷⁷ Ə lɛɛ, ə́ nɛ nwɔ nu huwuɠaai diɛ, yɛ diɛ: gaa pai ka nwun mąąɓoi ə ka kulɔ ka kɛ nɛ̨ŋɛ̨nŋąa hu.

Bible

⁷⁷ a gɛɛ í ƃálo-laa maa-tare tɛɛ ŋɔnûai pɔ dísɔnyɔ̂ŋ su-mɛni-lɛɛ sârai,

Lukə 1:77 ပူးပေါင်းရင်းမြစ်များ

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Lukə 3:3

Ɉaan ə kɛi lia tɛɛ Ɉurdɛn kwɛlɛ taaɠaa hu, yɛ Yálá laawoo laa həli, yɛ kɛ diɛ: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələɠaa mąą hvalin, ka pa ŋį́ ka mąąwaa, əgɛ, Yálá ə ka kɛ nɛ̨ŋɛ̨nŋąa mąąhvaalɛɛ.»

Lukə 3:6

Yálá nwɔ nwun mąąɓo laa yii aa dɛɛ, nu kəlee kaa pai gaai.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 19:4

Polə ə pənə, yɛ diɛ: «Ɉaan ə kɛli nu hɔn mąą pənə mɛ̨nį ŋą mąąwaa kɛ a yá, yɛ kɛ nuą diɛ, mąąnɛ̨ɛ̨ di laa nui kɛli pa lɛɛi bulu yɛ pa, na, ya ɓaa a Jesus.»

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.