Lonon mo 9:15 - Yálá laawoo hɛɓɛ (dc)

¹⁵ Ɲələi ŋɛ̨i di gee kaa kələ tɔɔ la; tulɔ kpinįn ə yɛɛ, ə pɛlɛ mɛ̨i, ɓɛi ŋɛ̨i mįnɛ̨ kəhi ə kɛ laai. Yələ wulii pɔ, ə kɛ nąą nwun mɛ̨i yɛ nwɔ̨n gɛ pələ, ə lɛɛ ɉu yələ ə ɓɔ.

Yálá laawoo hɛɓɛ

¹⁵ Ɲələi ŋɛ̨i di gee kaa kələ tɔɔ la; tulɔ kpinįn ə yɛɛ, ə pɛlɛ mɛ̨i, ɓɛi ŋɛ̨i mįnɛ̨ kəhi ə kɛ laai. Yələ wulii pɔ, ə kɛ nąą nwun mɛ̨i yɛ nwɔ̨n gɛ pələ, ə lɛɛ ɉu yələ ə ɓɔ.

Bible

¹⁵ Ŋ̀elei dí Zua kɔlɔ seɣe pɛrɛ maa waai tɔ̀ɔ lai, ŋ̀ele-kɔlɔŋ kolei è mɛ̀i pɛ̀lɛ. É síɣe ɣele-wulii ma é tóo ɣele-wala ma. Ŋ̀ele-kɔlɔŋ kolei è pɛ̀lɛ Zua kɔlɔ seɣe pɛrɛ maa waai mɛi yɛ̂ɛ ŋɔŋ-leŋ.

Lonon mo 9:15 ပူးပေါင်းရင်းမြစ်များ

Nehemi 9:12

Ə́ kɛi di tənən dɔɔ hvóló ŋą a tulɔ kpinįn, yɛ́ di tənən dɔɔ kpinį hu a nwɔ̨n nən, bələi di kɛi hiɛ ɉu, ɉu pɔ̨nɔ̨ mɛ̨nį ɓa.

Nehemi 9:19

Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Mąątɛ̨nɛ̨ 105:39

Ə tulɔ kpinįn bɛlɛ nuą mɛ̨i, yɛ di mąą kpɛ, ə nwɔ̨n dɔɔ, yɛ di mɛ̨i pono kpinįi.

Mąątɛ̨nɛ̨ 78:14

Ə kɛi di tənən dɔɔ hvóló ŋą a tulɔ kpinįn, ɛlɛɛ, kpinį a pɛlɛ kɛ, yɛ ɓo a nwɔ̨n nən.

Lɛɛ gbɔwɔ ɓa 13:21

Hvóló a kulɔ, Yai-Laa, a kɛ hvilɛn ni di tɔwɔ a tulɔ kpinįn, yɛ di tənən dɔɔ, kpinį a pɛlɛ yɛ ɓo a nwɔ̨n nən yɛ di mąąpono gbinį hiɛ kɛɛ hu.

Lɛɛ gbɔwɔ ɓa 13:22

Dulɔ kpinįn da nwɔ̨n nən, di mąą hvo kɛi kwɛa diɛ, a kpinį da hvóló.

Lɛɛ gbɔwɔ ɓa 14:24

Yələɓoi lɔwai, Yai-Laa kɛ dulɔ kpinįn ɉu da nwɔ̨n nən, ə tinɛ̨n ə ɲɛ̨i ɲɔ̨nwɔ̨ɔ̨ hee Eziptə nuą diɛ, ə di hu pu diɛ.

Lɛɛ gbɔwɔ ɓa 40:2

«Ɲąnin dɔlɔɔ, nwɔ hvóló dɔlɔɔ yələ, ya bɛlɛ mąąhəɠɛɛ da gee kaa kələ di hvilɛn ɉi kulɔ.

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Lɛɛ gbɔwɔ ɓa 40:35

Moisə hvo kɛi pɛli lɔi gee kaa kələ mu, mąąhɔlɔɓo, túlɔ kpinįn ə kɛ bɛlɛ́n, aa naa hvɛɛ a Yai-Laa nwɔ mąąwiɛ.

Lɛɛ gbɔwɔ ɓa 40:38

Yai-Laa nwɔ túlɔ kpinįn a kɛ bɛlɛ́ mɛ̨i hvóló ŋą, kpinį a pɛlɛ, nwɔ̨n yɛ ɓo ɉu. Israɛlə lonnii kəlee di kɛi gaa ɓɛlɔwai di kɛ la ɉiɛ hu.

Azaya 4:5

Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Lonon mo 10:34

Yai-Laa nwɔ tulɔ kpinįn a kɛ pɛlɛ ni di mɛ̨i hvóló ŋą, ɓɛlɔwai da diɛ taa həɠə la diɛ li.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Lonon mo 17:7

Kɛlaa, ɓɛlɔwai nuą ɲąąkpɔn ŋąąi kɛ la, Moisə da Aarɔn diɛ di di ɲɛ̨i heei gee kaa kələ mɛ̨i, Yai-Laa nwɔɔ mąąwiɛ ə gbɔwɔ lɛ diɛ.

Korɛntə dɔlɔɔ 10:1

Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Dutɛrɔnome 1:33

A yai tii kɛ ka tɔwɔ bələ pɔ, yɛ ka hviitɔɔi kwɛli. Ə kɛ nwɔ̨n nən ɉu kwiihɛ̨ą, bələi ka kɛi hiɛ ɉu, yɛ ɉu pɔ̨nɔ̨ ka tɔwɔ. Hvóló ŋą, a kɛ tulɔ kpinįn ɉu.