Lonon mo 8:17 - Yálá laawoo hɛɓɛ (dc)

¹⁷ Mąąhɔlɔɓo, nwɔ́ɔ́ ɓaa, Israɛlə lon dɔlɔɔɠaa kəlee; yɛi kɛ a nu kan, yɛi kɛ a taatɛlɛɛɠaa. Ɲələi ŋą́ lon dɔlɔɔɠaa paa la Eziptə lɔi hu, ɲələ ɓə ŋį́ Israɛlə lon dɔlɔɔɠaa kɛ la a nwɔ́ɔ́.

Yálá laawoo hɛɓɛ

¹⁷ Mąąhɔlɔɓo, nwɔ́ɔ́ ɓaa, Israɛlə lon dɔlɔɔɠaa kəlee; yɛi kɛ a nu kan, yɛi kɛ a taatɛlɛɛɠaa. Ɲələi ŋą́ lon dɔlɔɔɠaa paa la Eziptə lɔi hu, ɲələ ɓə ŋį́ Israɛlə lon dɔlɔɔɠaa kɛ la a nwɔ́ɔ́.

Bible

¹⁷ Kpɛni fêi, Eezuɛ ǹônii-sinaai maa-ŋuŋ-ŋai kélee díkaa a ḿbɔɔ. Vóloi ŋá Ize-ŋai dílônii-sinaai maa-ŋuŋ-ŋai kélee pàa la Ize lɔii sui, ŋá Eezuɛ-ŋai dílônii-sinaai maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ.

Lonon mo 8:17 ပူးပေါင်းရင်းမြစ်များ

Mąątɛ̨nɛ̨ 105:36

Ə lon doloo tolooɠaa kəlee paa nɔi, a diɛi ti a di ląŋą lonnii.

Mąątɛ̨nɛ̨ 135:8

Ya ɓə Eziptə lɔi hu lon dɔlɔɔɠaa paa, ə həɠə nukanŋaa pɔ, ə həli la daatɛlɛɛɠaa pɔ.

Mąątɛ̨nɛ̨ 78:51

Ə Eziptə lon dɔlɔɔɠaa kəlee kɛlɛ, ə di laŋą lonnii tɔlɔɔɠaa paa, Kamə nwɔ pɛlɛ́ɠaai mu.

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Lɛɛ gbɔwɔ ɓa 13:2

«Lon ɉinąą dɔlɔɔɠaa kpɔ Israɛlə nuą kaa pai ɉɔlɔɓoi, da di yəi taatɛlɛɛ non dɔlɔɔɠaa kəlee, ka bili gee mɛ̨i, di kɛ a nwɔ́ɔ́.»

Lɛɛ gbɔwɔ ɓa 29:44

Gáá pai gee kaa pɛlɛ da ɉaláá kulɔ kəhi kɛi a hɛnŋąą mąą həɠɛɛɠaa, gɛ́ Aarɔn da nonnii di kɛ a nu mąą həɠɛɛɠaa.

Izikiɛ 20:12

Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Levetekɔ 27:26

«Nu hva pɛli nwɔ taatɛlɛɛ lon dɔlɔɔ laakwɛlanmoi, gɛɛ mɔ̨ɔ̨ a non dɔlɔɔ, Yai-Laa nwɔɔ li a bɔlɔ, ə kɛ a nįŋɛ̨, ə mą kɛ a taatɛlɛɛ pɛlɛɛ ta.

Lonon mo 3:13

Mąąhɔlɔɓo, lon dɔlɔɔ kəlee kaa a nwɔ́ɔ́; ə həɠə ɲələi ŋį́ Eziptə nuą lon ɉinąą dɔlɔɔɠaa paa la, Israɛlə lonnii hinąą dɔlɔɔ kəlee kaa a nwɔ́ɔ́, ə mą kɛ daatɛlɛɛ lonnii dɔlɔɔ da nu kan nonnii dɔlɔɔɠaa. Ɲą́ą́ ɓə gáá a Yai-Laa.»

Lonon mo 8:18

Kɛlaa, gáá Levi lonnii həɠəi a Israɛlə lon dɔlɔɔɠaa kəlee mąąhvalin.

Lukə 2:23

Mąąhɔlɔɓo, bɛɛi dɔ́n ɉɛɓɛ́ hu Ną́mu yəi, yɛ diɛ: «Lon ɉulɔnu tɔlɔɔ yii lɔpee a hɔlɔɓo gaa a Yálá nwɔɔ.»

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.