Lonon mo 5:27 - Yálá laawoo hɛɓɛ (dc)

²⁷ A ɲá tɔɔ na, mɛ̨nįi a kɛ ya ka: Akɛ nɛ̨ɛ̨nui tii a gbɔwɔ mąąliɓi, yɛ ɉilɛ ɓowo, ɲái tii nɛ̨ŋɛ̨n naa kaa ɉu, a nwąną na, a yɛɛ gwəi, a goo tɛ ŋą, gwəi ə haa. Ɛlɛɛ, mąą nɛ̨ɛ̨nui a kɛ a nui da mɛ̨nį kɔ́ɔn mą nwɔ lɔi hu, nɛ̨ŋɛ̨n naa mɛ̨nį hu.

Yálá laawoo hɛɓɛ

²⁷ A ɲá tɔɔ na, mɛ̨nįi a kɛ ya ka: Akɛ nɛ̨ɛ̨nui tii a gbɔwɔ mąąliɓi, yɛ ɉilɛ ɓowo, ɲái tii nɛ̨ŋɛ̨n naa kaa ɉu, a nwąną na, a yɛɛ gwəi, a goo tɛ ŋą, gwəi ə haa. Ɛlɛɛ, mąą nɛ̨ɛ̨nui a kɛ a nui da mɛ̨nį kɔ́ɔn mą nwɔ lɔi hu, nɛ̨ŋɛ̨n naa mɛ̨nį hu.

Bible

²⁷ Nɛnîi a ǹyái kpèle, à kɛ̀ a wulu-wulu kɛ́ ŋɔsurɔ̂ŋ yêei, gɛ̀ ní ǹyái a pâi lɔ̂i gbonôi é goi sóli é gbono fɛ́ɛ-fɛɛ é gɛ́ goo kɛ́ kàra. Gɛ̀ ní nɛnîi a pâi kɛ̂i a ŋɛi-kɛ-maa ŋɔnûai sáma wulu-wulu kɛ́ mɛni ma.

Lonon mo 5:27 ပူးပေါင်းရင်းမြစ်များ

Mąątɛ̨nɛ̨ 109:18

Yii kpɔ ə nɛ̨ŋɛ̨n naa kɛ a gɔnmą həɠə, nɛ̨ŋɛ̨n naa ə hiɛ kani gɔlɔi nąą kəlee yɛ yá, ə lɔ dɔɔ-tɔɔiŋaa hu, yɛ mąątí-wulɔ.

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 29:22

Di mąą mɛ̨nį a kɛ a nɛ̨ŋɛ̨n naa, gɔwɔ tɔɔ mąą Ɉuda kɔluwɔɠaa kpɔ tii Babilonə di lɔwai, diɛ kɛ diɛ: ‹Yai-Laa ə ə́ hon yɛ bələi ə Sedesiasə da Akabə di hon na, diɛi Babilonə tɔɔmun ə di mɔn.›

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Zakari 8:13

Mąą yələi tii, bələi lɔ ka kɛ la, a nɛ̨ŋɛ̨n naa hɛn lɔi lɔwai, kaai a Ɉuda nwɔ pɛlɛ́i mu nuą, da Israɛlə nwɔ pɛlɛ́i, bələ lɔ ɓə gáá pai ka ɓaloi la, gɛ́ lúwɔ́ too kaa. 'Ka hvo ɲɔw, 'ka ká lii kpələ!

Lonon mo 5:20

Kɛlaa, akɛ ə́ ə́ yee too wɛli mɛ̨nį hu ka hulɔnu takpɛli, yii hvo a ə́ hilɛ ka yaa kaa haɠa kpɔn, yɛ́ ə́ kpɔwɔ mąąliɓi.›

Lonon mo 5:28

Kɛlaa, akɛ nɛ̨ɛ̨nui tii hvo gbɔwɔ mąąliɓi li, ə ɓo a nui hɔn və mą, nwɔ kwəi kwələ laa a too pɔ̨nɔ̨ŋą, yɛ lon gaa.»

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.