Lonon mo 5:21 - Yálá laawoo hɛɓɛ (dc)

²¹ Ɉaláá laa həli mun a mo mą, ə gwɛla. Yili pulu, ɉaláá laa həli mun yɛ mą: Yai-Laa ə ə́ kɛ ə́ kaayɔwɔɠaa lɔwai a nui da mɛ̨nį kɔ́ɔn mą nɛ̨ŋɛ̨n naa mɛ̨nį hu, kwɛla mɛ̨nį hu, ə ə́ kwəi haa, ə ə́ koo tɛ ə́ ɲą.

Yálá laawoo hɛɓɛ

²¹ Ɉaláá laa həli mun a mo mą, ə gwɛla. Yili pulu, ɉaláá laa həli mun yɛ mą: Yai-Laa ə ə́ kɛ ə́ kaayɔwɔɠaa lɔwai a nui da mɛ̨nį kɔ́ɔn mą nɛ̨ŋɛ̨n naa mɛ̨nį hu, kwɛla mɛ̨nį hu, ə ə́ kwəi haa, ə ə́ koo tɛ ə́ ɲą.

Bible

²¹ gɛ̀ ní Yâwɛɛ a pâi íkɛ̂i a mɛni kɔɔŋ-maa ínûai sáma wulu-wulu kɛ́ mɛni ma é íkɛ íkoo kɛ́ kàra íkpono kɛ́ fɛ̀ɛ-fɛɛ.

Lonon mo 5:21 ပူးပေါင်းရင်းမြစ်များ

Kɔlɔnikɔ Veerɛi 21:15

Ɛlɛɛ, yɛ́n, ɲɔ̨n nwalawalaɠaa kaa pai pɛlɛi yɛ́. Ə́ koolon ɉu ɲɔ̨n nwɛi tii gaa pai ə́ kpoyɛli kulɔi. Ɲɔ̨n da lɔ ɓə pai kɛi pɛlɛi mą, a yələ kəlee.»

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 29:22

Di mąą mɛ̨nį a kɛ a nɛ̨ŋɛ̨n naa, gɔwɔ tɔɔ mąą Ɉuda kɔluwɔɠaa kpɔ tii Babilonə di lɔwai, diɛ kɛ diɛ: ‹Yai-Laa ə ə́ hon yɛ bələi ə Sedesiasə da Akabə di hon na, diɛi Babilonə tɔɔmun ə di mɔn.›

Lonon mo 5:27

A ɲá tɔɔ na, mɛ̨nįi a kɛ ya ka: Akɛ nɛ̨ɛ̨nui tii a gbɔwɔ mąąliɓi, yɛ ɉilɛ ɓowo, ɲái tii nɛ̨ŋɛ̨n naa kaa ɉu, a nwąną na, a yɛɛ gwəi, a goo tɛ ŋą, gwəi ə haa. Ɛlɛɛ, mąą nɛ̨ɛ̨nui a kɛ a nui da mɛ̨nį kɔ́ɔn mą nwɔ lɔi hu, nɛ̨ŋɛ̨n naa mɛ̨nį hu.

Maafîu 26:74

Nąąlɔwai Piɛrə ə gwɛla kpɔ kɛnɛ̨, yɛ diɛ: «Ɲą́ą́ kwa Yálá ku lɔwai, nui tii ka káá naa ɓoi, və́ gɔlɔn.» Ŋąąɓa, tɛ́ɛ́ ə nwoo pili yələ ɓɔi lɔwai.

Zasua 6:26

Volói tii di mɛ̨nį kɛ la, Ɉosue ə nɛ̨ŋɛ̨n naa Ɉeriko taa ɓa, yɛ mą: «Nui lɔpee pai muhəɠəi, yɛ kɛ gaa Ɉeriko taa ŋɛ̨i tɔɔi, mąą nu nɛ̨ŋɛ̨n naai Yai-Laa ɲɛ̨i ɓa; mąą nu a daa ŋɛ̨i wulu hvilɛn a non ɉulɔnu tɔlɔɔ, ə daa mąą kpɛ hįi gbon gɔwɔ hvilɛn a non ɉulɔnu veelɛnąą.»

Samuɛlə dɔlɔɔ 14:24

Israɛlə nuą di mɔ̨nɔ̨ mįi a mąą yələ, mąąhɔlɔɓo, Saulə ə nuą kpaan a nwoo ŋɛ̨i, yɛ diɛ: «Nui lɔpee a kɔ̨nɔ̨n gɔwɔn ə lɛɛ la ɉu yələ ə wulu, Yai-Laa ə mąą nu nɛ̨ŋɛ̨n naa, hvo kɛ li ŋą́ gbɛa nwą́ną kulɔ ɲɔ́woɠaa diɛ. Nui lɔpee ta hvo lɛɠɛ kɔ̨nɔ̨n ma.»