Lonon mo 4:15 - Yálá laawoo hɛɓɛ (dc)

¹⁵ Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Yálá laawoo hɛɓɛ

¹⁵ Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Bible

¹⁵ Eelɔŋ da ǹônii-sinaai da kpɛ̀ɛ a Zua kɔlɔ seɣe pɛrɛ maa waai maa kpíniŋɔɔ da maa-tii kɛ́-sãai kélee, dí nâa díkpîŋ kpɛtɛ dísiai mɛni ma. Koa ǹônii-sinaai ƃé gáa a sɛŋ dí lí a dia. Kɛ́lɛ maa fé nɛ̃ɛ ní dí lɛ́ɣɛ zãa maa waai dɔnɔ kpîŋ ma. Dà lɛ̀ɣɛ da ma, da pâi saâi. Koa ǹônii-sinaa díwɔ̂ tii ƃa dí Zua kɔlɔ seɣe pɛrɛ maa waai síɣe da maa sãai kélee dí lí a dia ƃɛ́i kélee da lî naai.

Lonon mo 4:15 ပူးပေါင်းရင်းမြစ်များ

Samia Veerɛi 15:24

Sadɔkə kpɛli mąn ə kɛ laa Leviteɠaa kəlee di ɓo bɔ Yálá nwɔ mįnɛ̨ kəhii ə ɓo di kalan ŋą. Di Yálá nwɔ kəhii laa Abiatarə kwɛlɛ, ə lɛɛ la ɉu nuą kəlee di kulɔ daai di tɛɛ.

Samia Veerɛi 6:13

Nuąi kɛi Yai-Laa nwɔ kəhii həɠə, da di kɔ́wɔ kpəɠə lɔ mɛ̨ida, Davidə ə nįŋɛ̨ hilɛ tɔ̨nɔ̨ da nįŋɛ̨ gbɔn dɔ̨nɔ̨ kulɔ a haláá.

Tɔɔɓɛlaa dɔlɔɔ 8:3

Yii kɛa Israɛlə kalanɉonŋąą kəlee di pa, ɉaláá laa həli nuą di mįnɛ̨ kəhi həɠə.

Kɔlɔnikɔ Maa-ŋuŋ 15:15

Levi lonnii di Yálá nwɔ mįnɛ̨ kəhii tii kpəŋə di kalanŋą gbɔnŋaa lɔɔ mu, yɛ bələi kɛ Moisə aa di liɛwoo ɓo la, yɛ bələi Yai-Laa ə mo la.

Kɔlɔnikɔ Maa-ŋuŋ 15:2

Davidə ə mo kɛa yɛ diɛ: Levi huwuhu nuą lɔ ɓə Yálá nwɔ mįnɛ̨ kəhii həɠə mɛ̨nį mąą laa tɛɛ di pɔ, mąąhɔlɔɓo, diɛ ɓə Yálá ə di həɠə ɉu, diɛ gbəŋə, əlɛɛ diɛ naa hɔn mo.

Kɔlɔnikɔ Maa-ŋuŋ 23:26

Yili a li a kɛ tii, Levi lonnii di hvo kɛa pai kɛi Yai-Laa nwɔ pɛlɛ́ lon gbəŋəi diɛ hiɛ la da bɔ hɛnŋąą.»

Lɛɛ gbɔwɔ ɓa 19:12

Ɓɛi mąąnɛ̨ɛ̨ nuą di kpəla laa, nąą lɛ diɛ, yɛ diɛ: ‹Ka lii hvo kpələ, ka hvo tɛ ɲee ɓa, ka hvo kpɛli tunwɔ̨n ɲee koo mu.› Nui lɔpee a tunwɔ̨n ɲee ɓa, da baa.

Lɛɛ gbɔwɔ ɓa 19:21

Yai-Laa yɛ Moisə ɓa: «Yɛɛ, ə́ mo nuą diɛ, yɛ diɛ: ‹Di hvo kpuluun, diɛ kɛ di li Yai-Laa pɔ gaa mɛ̨nį ɓa; da gɛ ti, da ləi haa.

Lɛɛ gbɔwɔ ɓa 27:7

Nwulu mąą haɠaa hveelɛi tii ɓə pai kɛi a ɉaláá taɓali kpəŋə hɛn, yii da nɔ gbonoɠaa ti hu diɛ gbəŋə la.

Levetekɔ 16:13

Ɲee ɲąą hveelɛi tii ə ɉəɠə, ə bu nwɔ̨n ŋą Yai-Laa lííla, nulu yɛ pɛlɛ gəhi da naa kalan di mɛ̨i; yili a kɛ tii, hva haa.

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 1:51

Da kɛi li a gee kaa kələ, Levi lonnii ɓə da gboloon diɛ li la, da kɛi dɔɔ, diɛ ɓə da ɉee gee la. Nu takpɛli a lɛɠɛ mą, mąą nu a haa.

Lonon mo 10:21

Yili pulu, Kehatə lonnii ɓə Yai-Laa hee kələ həɠə. Da pənə kɛ di gee kaa kələ hvilɛn, Kehatə lonnii di hvo teɠa kɛ pai.

Lonon mo 18:3

Yiiɠaai tii di wɛi, di kaa pai kɛi ə́ yee mu. Di ɓo gələ mąą kóló kəlee ɓa. Kɛlaa, di hva lɛɠɛ bɛlɛ́n ɉɛn mąąhəɠɛɛɠaa diɛ, ə mą kɛ ɉaláá kulɔ kəhi, di hvo pa nee di kpɔɔ kwɛli a haa, ə mą kɛ kaa kpinįi.

Lonon mo 3:38

Nuąi kɛ heeni gee kaa kələ voló həɠəi pələ, diɛ ɓaa kɛ a Moisə da Aarɔn lonnii, diɛ ɓə kɛi ɉaláá mɛ̨nįɠaa ɲɛ̨i kulɔ, Israɛlə lonnii kəlee mąą mɛ̨nį ɓa. Nui hvo kɛ a di ta, a lɛɠɛ laa da baa.

Lonon mo 4:14

ɉɛnŋąąi kpɔ da kóló kɛ la gəhii tii mɛ̨i di gəlee laa mɛ̨i nwɔ̨n ɉəɠə kunwunugala, nwɔ̨n dɛ hɛnŋąą, nuwu kələ hɛnŋąą, gəhi mɛ̨i hɛnŋąą kəlee. Di huwɔ kɔ́lɔ pɛlɛ di mɛ̨i, di gbəŋə wuluɠaa lɔ gbonoɠaa hu.

Lonon mo 4:19

Ka gɛ pələ kwɛli mą, ə gɛ, da lɛɠɛ gɛɛnąą mąąhəɠɛɛ kpɔ hva-hva mą, di hvo pa haa. Yii ka gɛ, ya ka: Aarɔn da nonnii ɓə da pa di nu tɛitɛi tɔɔ gɛ kóló ɓa, da yii a ɉəɠə.

Lonon mo 4:20

Bələ ɓə da gɛ la, ə gɛ, di hvo pa di ɲɛ̨i pili gɛɛnąą mąąhəɠɛɛ mɛ̨i, akɛ da nąą kaa, da haa.»

Lonon mo 7:9

Hvo da tɛɛ Kehatə lonnii pɔ, mąąhɔlɔɓo, di wɔ kólói ɓaa kɛ diɛ ɉaláá kulɔ hɛnŋąą həɠə di kalan ŋą.

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Zasua 4:10

Ɉaláá laa həli nuąi ŋɛ̨i mįnɛ̨ kəhi ə kɛ di yəi, di tɔɔ Ɉurdɛn yá hąą, mɛ̨nį ŋɛ̨i Yai-Laa ə mo Ɉosue ɓa, yɛ mo Israɛlə nuą diɛ, di nąą hvɛɛ. Yɛ bələi Moisə ə mo la Ɉosue ɓa; Israɛlə nuą kəlee di di mąąhulɔ, di ɲá teen.

Samuɛlə dɔlɔɔ 6:19

Bɛtə-Sɛmɛsə nuą lɔwai, Yekonia lonnii di hvo gɛ di hvo di kwəinɛ̨ɛ̨ ɓɛlɔwai di Yai-Laa nwɔ kəhii kaa la. Yili ɓə gɛ, Yai-Laa ə nu pow mɛ̨ihveelɛ paa di lɔwai. Nuąi lɛɛ a di hvulú, di wɔlɔ, mąąhɔlɔɓo, Yai-Laa aa kɛ mɔ̨nɔ̨ kɛnɛ̨ laa di mɛ̨i.