Lonon mo 35:6 - Yálá laawoo hɛɓɛ (dc)

⁶ Daaɠaai ka káá pai dɛɛi Levi lonnii pɔ, diɛ ɓaa nu mąąkilɛ taa mɛ̨ida. Ka káá pai di mąą mɛ̨nį ɓoi, nu paa nuą diɛ pɛli di mąąkilɛi laa. Ka taa pow nąąn kɔ́w hveelɛ pɛlɛ diɛ.

Yálá laawoo hɛɓɛ

⁶ Daaɠaai ka káá pai dɛɛi Levi lonnii pɔ, diɛ ɓaa nu mąąkilɛ taa mɛ̨ida. Ka káá pai di mąą mɛ̨nį ɓoi, nu paa nuą diɛ pɛli di mąąkilɛi laa. Ka taa pow nąąn kɔ́w hveelɛ pɛlɛ diɛ.

Bible

⁶ Daa-ŋai ká dɛ̀ɛ Livai-ŋai pɔ́i, ǹɔ́ɔlu mɛi da é kɛ́ a ƃɛ́i núu a núu da pàa, nyii vé gili ní é gɛi a pɔ̂ri liî naa a gɛɛ é ŋuŋ-ma ƃo sɔlɔ bô. É kúla daa-ŋai ŋí pôlu ka taa buu náaŋ káo feerɛ tɛ́ɛ dípɔ máŋ.

Lonon mo 35:6 ပူးပေါင်းရင်းမြစ်များ

Mąątɛ̨nɛ̨ 9:9

Ya ɓə a yɛnɛ̨ɛ̨ ɲąąwooɓo a tələnmolaa, yɛ lɔiɠaa lɔwai mɛ̨nį ɓo a ɉąŋąnŋąą.

Lɛɛ gbɔwɔ ɓa 21:13

Kɛlaa, akɛ hvo hee mɛlan dɔwɔ baa mɛ̨nį ɓa, Yálá lɔ ɓə yili kɛ ti, gáá pai kɛɛnąąɠaa lɛi yɛ́, nui ti mɛlan mun baa a dɛɠi pələ, yɛ pɛli mąąkilɛi laa.

Azaya 4:6

A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą.

Lonon mo 35:5

Ka daa pulu pələ kɔ́ɔn a bomo nąąn; voló həɠəi pələ, yee laa mą waa hveelɛ, voló tooi pələ yee laa mą waa hveelɛ, ɉɛɠɛɛ pələ, yee laa mą waa hveelɛ, ɲələi pələ, yee laa mą waa hveelɛ, daa ə lɛɛ hąąi. Nɔiɠaai pai lɛɛi di wɔ taaɠaai kwɛlɛ, diɛ ka tii.

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Zasua 21:13

Di Hebrɔn da nwɔ kpomóɠaa, ɛlɛɛ, Livna da nwɔ kpomóɠaa tɛɛ ɉaláá laa həli mun Aarɔn lonnii pɔ, a nu paa mun mąąkilɛ taaɠaa.

Zasua 21:21

Daaɠaai di dɛɛ di pɔ a nu mąąkilɛ taaɠaa, diɛ ka: Sisɛmə, da nwɔ kpomóɠaa, Ɛfraimə yee ɓa, Gɛzɛrə da nwɔ kpomóɠaa,

Zasua 21:27

Daaɠaai di dɛɛ Gɛrsɔn lonnii pɔ, diɛ ɓaa a Levi huwu hu nuą ta, a mąąkilɛ taa, yii di ɉəɠə Manase huwu bələ tɔ̨nɔ̨ yəi, diɛ ɓaa: Golan taa da nwɔ kpomóɠaa, yii gaa Basan lɔi hu, ɛlɛɛ, Beɛstera da nwɔ kpomóɠaa, taa hveelɛ.

Zasua 21:3

Israɛlə lonnii kwɛlinŋąą lɔwai, di taaɠaa həɠə di dɛɛ Levi huwu pɔ da gwɛlɛ lɔiɠaa, yɛ bələi Yai-Laa ə mo la. Mąą taaɠaa tii laa ka:

Zasua 21:32

Nɛftali lonnii di wɔ lɔi hu, daaɠaa di dɛɛ dɔ̨nɔ̨ ɓaa: Kɛdɛsə, ə kɛ a mąąkilɛ taa ta, da nwɔ kpomóɠaa, yii kɛ Galile lɔi hu. Yili pulu, Hamotə-Dɔrə da nwɔ kpomóɠaa, Kartan da nwɔ kpomóɠaa, taa haaɓa.

Zasua 21:36

Ɉurdɛn yá pulu Ɉeriko tənən ma, Rubɛn lonnii di wɔ lɔi hu, Bɛsɛrə, nuąi kɛ da nu paa di mąą kilɛ taa li, da nwɔ kpomóɠaa, nɔi pun ɉu, gɛɛ nąą heɛ ɓa, Yasa da nwɔ kpomóɠaa,

Zasua 21:38

Gadə lonnii di wɔ lɔi hu, daaɠaai di di tɛɛ, dɔ̨nɔ̨ ə kɛ a mąąkilɛ taa, ya ɓaa: Ramotə, yii kɛ Galaadə lɔi hu, da nwɔ kpomóɠaa, Mahanaimə da nwɔ kpomóɠaa,