Lonon mo 33:52 - Yálá laawoo hɛɓɛ (dc)

⁵² ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Yálá laawoo hɛɓɛ

⁵² ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Bible

⁵² fɛ̂ɛ ká ǹɔii-ƃelai kélee kpɛ́ kátuɛ, ká díkɔni siɣɛɛ-ŋai kélee su kara da díɣâla pɔkɔɔŋ-ŋai é pɛ́lɛ díɣâla fɛli kwaa-ŋai kélee ma.

Lonon mo 33:52 ပူးပေါင်းရင်းမြစ်များ

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Zasua 11:15

Yili ɓə Yai-Laa ə mo nwɔ tímun Moisə ɓa, Moisə yaan, ə Ɉosue tí la. Bələ yaan nɔ ɓə Ɉosue ə gɛ la. Mɛ̨nįɠaa kpɔ Yai-Laa ə Moisə tí la, Ɉosue hvo dɔ̨nɔ̨ kpɛli lɛɛ pulu; ə gəlee kɛ.

Zasua 23:7

Nu huwuɠaa ŋɛ̨i daa lɛɛ ka kwɛlɛ, 'ka hvo humun a di túwɔ́ pələ, 'ka hvo di wɔ haliɠaa hvɛli; 'ka hvo ka kwɛla a di wɔ haliɠaa ta laa, 'ka hvo mąąwiɛ tɛɛ di pɔ, 'ka hvo pɛlɛ di kɔ́wɔ mu.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»

Nwun mąąɓo 2:2

Kɛlaa, ŋą́ mo kaa, gɛ́ kaa; nɔi ŋɛ̨i kaa pa ɉu, ka ɉu nuą ka hvo mįnɛ̨ həɠə, yili pulu, ka di wɔ haláá kulɔiɠaa wolo. Ya ka tii, ka hvo nwóó hon ni, lə ɓə tii ka gɛi?