Lonon mo 33:3 - Yálá laawoo hɛɓɛ (dc)

³ Di həɠə Ramsɛsə ɲąnin dɔlɔɔ, nwɔ hvóló pow gɔw lɔɔli yələ, pakə puɔ mąą yələ laa ɓoɔ ɓə Israɛlə lonnii di kulɔ laa a di wəli pulu laɠiɛ, Eziptə nuą kəlee ɲɛ̨i ɓa.

Yálá laawoo hɛɓɛ

³ Di həɠə Ramsɛsə ɲąnin dɔlɔɔ, nwɔ hvóló pow gɔw lɔɔli yələ, pakə puɔ mąą yələ laa ɓoɔ ɓə Israɛlə lonnii di kulɔ laa a di wəli pulu laɠiɛ, Eziptə nuą kəlee ɲɛ̨i ɓa.

Bible

³ Dí kùla Ize lɔii su a góraŋ ŋɔɣáloŋ maa-ŋuŋ ŋɔfólo puu káo lɔ́ɔlu ɣele nyii kɛ̀ a dɛɛ-mɛi-kuui pôlu ma ɣelei. Yâwɛɛ ŋɔkpɔŋ-maai su Eezuɛ-ŋai dí kùla Laŋse-taa-leei su Ize-ŋai kélee ŋɛ́i.

Lonon mo 33:3 ပူးပေါင်းရင်းမြစ်များ

Zɛnɛse 47:11

Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Mąątɛ̨nɛ̨ 105:38

Eziptə kwəi ə nɛ̨ɛ̨, di li mɛ̨nį ɓa, mąąhɔlɔɓo, ɲɔw aa kɛ pili di hu.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 12:2

«Ɲąnin ŋɛ̨i ɓə pai kɛi a ka wɔ kwɛlan ɲąnin dɔlɔɔ. Kaa gwɛlan gɔwɔ tɔɔ mą.

Lɛɛ gbɔwɔ ɓa 12:37

Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Lɛɛ gbɔwɔ ɓa 13:4

Mɔ̨nun dee ɲąnin ŋɛ̨i a Abibə, ɉu ɓə ka kulɔ la a háákələi yələ.

Lɛɛ gbɔwɔ ɓa 14:8

Yai-Laa ə Eziptə tɔɔmun gili walawala, ə həɠə ə hvilɛn Israɛlə lonni pulu. Yaan, Israɛlə lonnii kɛɛ kulɔi Eziptə lɔi hu, di hvo pu.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Mise 2:13

Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Lonon mo 33:2

Da kɛi kɛ həɠə kɛɛnąąɠaa ɓa Moisə ə kɛi gɛɛnąąɠaai tii laa pɛ̨ɛ̨; Yai-Laa ɓə dí la. Ɉiɛɠaai di gulɔ, a wala kɛ tii ɓɛɠaai di kɛi tɔɔ laa, diɛ ka: