Lonon mo 31:2 - Yálá laawoo hɛɓɛ (dc)

² «Israɛlə lonnii nwąną kulɔ, mɛ̨nį ɲɔ̨nwɔ̨ɔ̨i Madian nuą di naa diɛ mąą mɛ̨nį ɓa; hvó tɛɠa kɛ laai ə́ nąnni kwɛlɛ.»

Yálá laawoo hɛɓɛ

² «Israɛlə lonnii nwąną kulɔ, mɛ̨nį ɲɔ̨nwɔ̨ɔ̨i Madian nuą di naa diɛ mąą mɛ̨nį ɓa; hvó tɛɠa kɛ laai ə́ nąnni kwɛlɛ.»

Bible

² “Mɛni-ŋai Midiɛŋ-ŋai dí gɛ̀ a Eezuɛ-ŋai gba kula. Naa pôlu ma ƃa pâi saâi.”

Lonon mo 31:2 ပူးပေါင်းရင်းမြစ်များ

Zɛnɛse 15:15

Yii ɓaa ə́ wɛi, ə́ kaa pai pɔlɔi a nɛlɛɛ, liilaa hu, ə́ haa, di ə́ loo.

Zɛnɛse 25:17

Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ.

Zɛnɛse 25:8

Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Lɛɛ gbɔwɔ ɓa 2:16

Ɉaláá laa həli mun ŋɛ̨i kɛ Madian, nonnii nɛ̨ąą di kɛ mɛ̨ihveelɛ, nɛ̨ąą tii di pa ya haɠai di bu daatɛlɛɛɠaa kpələi, di naahvɛɛ, di nąn nwɔ taatɛlɛɛɠaai kpələ mɛ̨nį ɓa.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Lonon mo 20:24

«Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Lonon mo 20:26

Ka li, ə́ Aarɔn nwɔ həɠəi kulɔ laa gwąną, ə́ doo non Eleazarə kwąną; nąą ɓə Aarɔn kaa pai kulɔi laa ka lɔwai, gaa pai haai laa.»

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Lonon mo 25:6

Nąąlɔwai, Israɛlə hulɔnon da ə Madian nɛ̨ɛ̨non da həɠə, ə paa la nąn nonnii lɔwai, Moisə da Israɛlə nu kpulu kəlee ɲɛ̨i ɓa, ɓɛlɔwai di kɛi wɔlɔ la gee kaa kələ laaləi

Lonon mo 27:13

Ə́ kaa lɔ ə́ ɲɛ̨i tɔɔi mą, kɛlaa, yɛ́ kpɛli, ə́ kaa pai laŋąn ɉii ə́ kalani diɛ, yɛ bələi ə́ liɛ Aarɔn ə laŋąn na diɛ.

Lonon mo 31:1

Yai-Laa yɛ Moisə ɓa:

Lonon mo 31:3

Moisə yɛ nɔi lonnii diɛ: «Hinąą taɠaa di di hąą yili kɔ́ mɛ̨nį ɓa, di kaa li kɔ́ ɓa; di kaa lii kɔ́ pɛlɛi Madian ɓa, diɛ Yai-Laa nwąną kulɔ Madian ɓa.

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Dutɛrɔnome 4:22

Gáá pai haai nɔi ŋɛ̨i hu, vá Ɉurdɛn teen, kɛlaa, ka wɛi, ka káá pai deen ɉii; ka lɔ nɔi lɛlɛɛ tii hu.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Hebreu 10:30

Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

Nwun mąąɓo 16:24

Nɔi nuą di gaa lɔ tii, diɛ wələ too di wɔ halii ɓa, diɛ kɛ mą: «Ku wɔ halii nwɔ lúwɔ́ haalai, ku yowoi kɛi ku kɛ mɛ̨nįɠaa hu kala, yɛ ku wɔ nuą paa, aa ɉon.»

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.