Lonon mo 3:15 - Yálá laawoo hɛɓɛ (dc)

¹⁵ «Levi lonnii kəlee lonon, a bɛlɛ́ɠaa laa, da gwəliɠaa laa. Yiiɠaai kpɔ a ɉinąą, gəlee lonon, ə həɠə ɲąnin dɔ̨nɔ̨ ɓa.»

Yálá laawoo hɛɓɛ

¹⁵ «Levi lonnii kəlee lonon, a bɛlɛ́ɠaa laa, da gwəliɠaa laa. Yiiɠaai kpɔ a ɉinąą, gəlee lonon, ə həɠə ɲąnin dɔ̨nɔ̨ ɓa.»

Bible

¹⁵ “Livai-ŋai dílônii-sinaai lóno dísuu-ŋai dîa da dínâŋ-ni dípɛrɛi-ŋai. Í dílônii-sinaai kélee lóno nyii-ŋai dípɔlɔ-pɔlɔ laa káa é síɣe ɣáloŋ tɔnɔ ma é lí tuɛ perei.”

Lonon mo 3:15 ပူးပေါင်းရင်းမြစ်များ

Kɔlɔnikɔ Veerɛi 31:17

Di kɛi ɉaláá laa həli nuą laa pɛ̨ɛ̨ a di nąnni di wɔɔ pɛlɛ́i laa. Diɛ lévi lonnii laa bɛ̨ɛ̨ həɠə di kaa kwɛlan a kɛ pow hveelɛ da bulu, a di kpulu, da di heekpəlin na.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Lonon mo 1:3

Yá gɛ a ɉinąąi di kaa kwɛlan gaa pow hveelɛ, da yiiɠaa di wɛi tɛɛi ɉu; yiiɠaa da pɛli kɔ́ kɔ́i Israɛlə nwɔ kɔlaɠai hu. Ə́ di lonon a gɔ́ laɠa heeiɠaa, yɛ́ ka Aarɔn.

Lonon mo 1:47

Levi lonnii di wɛi, di nąn mąą mɛ̨nį ɓa, di hvo pɛli di lonoi.

Lonon mo 26:57

Levi lonnii lonoɔ ka; a bɛlɛ́ɠaa laa: Gɛrsɔn lonnii di wɔ pɛ́lɛ́i; Kehatə lonnii di wɔ pɛ́lɛ́i, Merari lonnii di wɔ pɛ́lɛ́i.

Lonon mo 26:62

Levi lonnii pɛlɛɛ gee ɓa, di kɛ a nu waa pow hveelɛ kɔ́w haaɓa (23.000) diɛi kɛ a Levi lon ɉinąą kəlee; diɛi di kaa kwɛlan ə gɔwɔ tɔɔ ɲąnin dɔ̨nɔ̨ ɓa. Di wɛi di hvo di lonon da Israɛlə lonnii. Mąąhɔlɔɓo di hvo lɔi tɛɛ di pɔ Israɛlə lonnii lɔwai.

Lonon mo 3:16

Moisə ə gəlee lonon, yɛ bələi Yai-Laa ə dí la.

Lonon mo 3:22

Gɛrsɔn yəi bɛlɛ́n ɉinąą kəlee lonoɔ ka, ə həɠə ɲąnin dɔ̨nɔ̨ lon ma, da pɛli kɛ kɛi a nu waa mɛ̨ihveelɛ pulu nwun nɔɔli (7500).

Lonon mo 3:28

Di Kehatə yəi bɛlɛ́n ɉinąą kəlee lonon, ə mą kɛ yiiɠaai daa di kaa, a kɛ a ɲąnin dɔ̨nɔ̨, di kɛ a nu waa mɛ̨ihaaɓa pulu nwun mɛ̨ida (8600), a diɛi di di tɔɔ, diɛ kóló kɛ ɉaláá kulɔi.

Lonon mo 3:34

Ɉinąą lonɔɔ, yiiɠaa di kaa kwɛlan ə həɠə ɲąnin dɔ̨nɔ̨ ɓa, di kɛ a nu waa mɛ̨ida pulu nwun veelɛ (6200).

Lonon mo 3:43

Non ɉinąą dɔlɔɔɠaai tii kəlee, diɛi di di lonon, ə həɠə ɲąnin dɔ̨nɔ̨ lon ma, yɛ li la tɔwɔ pələ, di kɛ a nu waa pow hveelɛ kɔ́w hveelɛ pulu nwun veelɛ yee mɛ̨ihveelɛ kɔ́w haaɓa (22273).

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.