Lonon mo 29:12 - Yálá laawoo hɛɓɛ (dc)

¹² «Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka ɲąąkpɔn mąąhəɠɛɛ too, ka hva kóló walawala ta kɛ. Ka Yai-Laa mąąwiɛ hvóló mɛ̨ihveelɛ yee mu.

Yálá laawoo hɛɓɛ

¹² «Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka ɲąąkpɔn mąąhəɠɛɛ too, ka hva kóló walawala ta kɛ. Ka Yai-Laa mąąwiɛ hvóló mɛ̨ihveelɛ yee mu.

Bible

¹² Ŋ̀áloŋ ǹɔ́ɔlu mɛi feerɛi ŋɔɣele-kûu puu káo lɔ́ɔlu ɣelei ka Ɣâla fɛli koyâŋ maa waa tóo. Káfe tíi da kɛ̀, ká kúu kɛ́ Yâwɛɛ mɛni ma ɣele-kuu lɔ́ɔlu mɛi feerɛ yée mu.

Lonon mo 29:12 ပူးပေါင်းရင်းမြစ်များ

Tɔɔɓɛlaa dɔlɔɔ 12:32

Ɉeroboamə ə hɛli kɛnɛ̨ pu a ɲąnin mɛ̨ihaaɓa nąą nwɔ hvóló pow kɔ́w lɔɔli yələ, yɛ bələi di kɛi gɛ la Ɉuda lɔi hu, ɛlɛɛ, ə tɔɔ ɉaláá kulɔi lííla. Bələ ɓə ə gɛ la Betɛlə, yɛ haláá kulɔ nįŋɛ̨ lon ŋɛ̨i ə bɛli mą, ə nɛɛ mą ə haláá laa həli nuą hee Betɛlə, Yálá kɔ́iɠaa tii ɓa, yai ə dɔɔ.

Ɛsdrasə 3:4

Di nɛɛ mą, di ɉəɠə pɛlɛ́ mąą hɛli pu yɛ bələi bɛ̨ɛ̨i la. Hvóló kəlee haláá yii di kɛi gələn, di kɛi gulɔ yɛ bələi ə kɛ la a di huwula mɛ̨nį, hvóló tɛitɛi kəlee.

Nehemi 8:14

Di gaa, bɛ̨ɛ̨ dɔ́n ɉɛɓɛ́ hu diɛ kɛ: Yai-Laa ə mo Moisə ɓa, yɛ mą: «Mąą nɛ̨ɛ̨ Israɛlə nuą di kɛ kələɠaa mu, ɲąnįn mɛ̨ihveelɛ naa hɛli pu mɛ̨nį ɓa.

Nehemi 8:18

Hvóló tɛitɛi kəlee yee mu, di kɛi Yálá nwɔ tɔ́n ɉɛɓɛ́i ɓo, ə həɠə voló dɔlɔɔ ɓa, ə həli la voló gbɛlamąą ɓa. Di ɉɛlii tii pu hvóló mɛ̨ihveelɛ yee mu. Voló mɛ̨ihaaɓa yələ, di ɉɛli laakulɔ ŋąąkpɔn gɛ.

Lɛɛ gbɔwɔ ɓa 23:16

Ka mɔ̨nun dee hɛli pu, ka kɛ kólóɠaa da ɉɛnŋąąi ka ɉin ka pɔ yɛa, di ɓá dɔlɔɔ-tɔlɔɔ hɛli li. Gwɛlan naa kulɔi lɔwai, ɉɛnŋąąi ka ɉin, ka kɛi di ɓáɠaa pui kɛ, ka yili ɉɛli pu.

Lɛɛ gbɔwɔ ɓa 34:22

«Mąąnɛ̨ɛ̨ ka nɔwɔ mɛ̨ihveelɛ hɛli pu a ɉihɛn dɔlɔɔ kulɔi lɔwai, ɛlɛɛ, ka mɔ̨nun dee hɛli pu, a gwɛlan naa kulɔi lɔwai.

Izikiɛ 45:25

Ɲąnin mɛ̨ihveelɛnąą nwɔ hvóló pow kɔ́w lɔɔli yələ, a gɛ lɔ nwɔ̨nɔ̨ tii, ɉɛli kɛnɛ̨ pu mɛ̨nį hu, hvóló mɛ̨ihveelɛ yeemu. Gɛ pələ a kɛ lɔ tanɔ̨n nɛ̨ŋɛ̨n mąąhvaalɛɛ haláá mɛ̨nį hu, ə mą kɛ ɉaláá yii da gəlee kələn, da Yálá kɔ́ haláá, da nwulɔ tɛɛ mɛ̨nį.»

Levetekɔ 23:7

Nɔwɔ kuu voló tɔlɔɔ yələ, ka ka ɲąąkpɔn, ka hva kóló walawala ta kɛ.

Lonon mo 29:1

«Ɲąnin mɛ̨ihveelɛnąą nwɔ hɛli yələ, ka ka ɲąąkpɔn, ka kwɛlihvilɛn Yálá ɓa; ka hva kóló walawala ta kɛ a ka yee a ɉɛli yələ.

Lonon mo 29:13

Ka kɔ̨nɔ̨n mąą kun nɛ̨ɛ̨ tɛɛ Yai-Laa pɔ a haláái da gəlee kələn, yɛ niilaa, nįŋɛ̨ hilɛ pow kɔ́w haaɓa, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn, yiiɠaa kpɛɠii hva kɛ da ɓa.

Lonon mo 29:35

«Voló mɛ̨ihaaɓa yələ kaa a ɉɛli laa kulɔ yələ. Ka hvo kóló walawala ta kɛ.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.