Lonon mo 28:2 - Yálá laawoo hɛɓɛ (dc)

² yɛ mą mɛ̨nįɠaa ŋɛ̨i ɓo Israɛlə lonnii diɛ, yɛ́ diɛ: «Ka tɔɔ a ka nwąnąi, ɉɛnŋąąi mąąnɛ̨ɛ̨ ka gɔ́ la, kaa paa la a guui da ɉee. Gɔ̨nɔ̨n da gələn, mąą kun nɛ̨ɛ̨.

Yálá laawoo hɛɓɛ

² yɛ mą mɛ̨nįɠaa ŋɛ̨i ɓo Israɛlə lonnii diɛ, yɛ́ diɛ: «Ka tɔɔ a ka nwąnąi, ɉɛnŋąąi mąąnɛ̨ɛ̨ ka gɔ́ la, kaa paa la a guui da ɉee. Gɔ̨nɔ̨n da gələn, mąą kun nɛ̨ɛ̨.

Bible

² “Mó Eezuɛ-ŋai dîa a gɛɛ ŋámii-sɛŋ salai nyii gáa a kéreŋ-sala kúŋ nɛ̃ɛ ḿɛni mai, dí dɛ́ɛ ḿbɔ a dɛɛ tãi.

Lonon mo 28:2 ပူးပေါင်းရင်းမြစ်များ

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Kɔlɔnikɔ Maa-ŋuŋ 23:31

Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Kɔlɔnikɔ Veerɛi 23:18

Yehoyada ə Yai-Laa nwɔ pɛlɛ́i mɛ̨ikaa mɛ̨nį tɛɛ ɉaláá laa həli nuą kpɛa-kpɛaa da lévi lonnii pɔ. Davidə ə wɔlɔ di heekpəlin na kɛ a di kpulu Yai-Laa nwɔ pɛlɛ́i mɛ̨i, əgɛ, diɛ haláá kulɔ laa, di haláá hɛnŋąą kələn nąą Yai-Laa ɓa, a di kwəinɛ̨ɛ̨, diɛ wələ too, yɛ bələi bɛ̨ɛ̨i la Moisə ŋą tɔ́n ɉɛɓɛ́i hu.

Kɔlɔnikɔ Veerɛi 31:3

Tɔɔmun ə kɛi gbɔ-kpɔɔ wali ta lɔ ɉaláá hɛn da gəlee kələn mąą mɛ̨nį hu ɲələwala pɔ da ɲələwulii nwɛi hu, ə mą kɛ, vįitɔɔ yələ nwɛi, ɲąnįn dɔɔ nįnɛ̨ da ɉɛli yələɠaa; yɛ bələi bɛ̨ɛ̨i la Yai-Laa ŋą tɔ́n ɉɛɓɛ́i hu.

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Ɛsdrasə 3:3

Bələi mąn di kɛi ɲɔw la di kwɛlɛ lɔi hu nuą diɛ, ɓɛi wɔlɔ ɉaláá kulɔi tii ə kɛ laa, nąą lɔ ɓə di dɔɔ laa. Di ɉaláá kulɔ laa Yai-Laa ɓa, a haláá hɛn yii da gəlee kələn, yələwala da yələwulii.

Nehemi 10:34

Yálá kɔ́ lɛɠɛ mɛ̨nį ɉaláá mąąnɛ̨ɛ̨ ə kulɔ a yələ kəlee mąą mɛ̨nį. Haláá hɛn yii da gəlee kələn vįitɔɔ yələɠaa, ɲąnin nįnɛ̨ mɛ̨nįɠaa, ɉɛli yələɠaa, ɉɛnŋąąi da lúwɔ́ too diɛ, Israɛlə nwɔ nɛ̨ŋɛ̨n mąą hvaalɛɛ halááɠaa, da guɔ Yálái yəi bɛlɛ́n gɔ́lɔ́ huwui lɔpee mąą mɛ̨nį ɓa.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Izikiɛ 16:19

Ŋį́ lɛɠɛi ŋį́ dɛɛ ə́ pɔi, da gbanin gɔw, da nwulo, da gwɛ̨in nwulo; yai ŋį́ kɛi ə́ kɔ̨nɔ̨n gɛ la, ə́ ɉee di lííla; a di liilaa haláá kun nɛ̨ɛ̨; ə́ túwɔ pələ ka ti. Yai-Laa, gu wɔ yálái woo li.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:17

Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 21:6

Di kaa a di wɔ Yálá nwɔɔ, mąą hvo nɛ̨ɛ̨li di hvo di wɔ Yálái laa ɓɛlɛkpɛɛ mą. Diɛ ɓə da Yai-Laa nwɔ haláá kəlee laa həli, yii gaa a di wɔ Yálái kɔ̨nɔ̨n, mąąnɛ̨ɛ̨ di mąą ə lɛɛ a ɉəɠɛɛ.

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Levetekɔ 3:11

Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

Malasi 1:7

Kɔ̨nɔ̨n mąąliɓiɛ ɓə ka naa ɲə́i ɉaláá kulɔi. Ɛlɛɛ, kaa kɛ mą́ą́: ‹Kwa kɛ ɲɛ̨itɛ kulɔ pələ kɛi ləi a yɛ́?› Káá kpįnįi, káá nwɔ́ haláá kulɔi kɔ́hɔɓo.»

Lonon mo 15:24

nui a da mąą kala nɔi lonnii tɛɠii, nɔi lonnii kəlee da nįŋɛ̨ hilɛ tɔ̨nɔ̨ kulɔ Yai-Laa ɓa a haláá hɛn da gəlee kələn, mąą kun nɛ̨ɛ̨, da ɉaláá yiiɠaai tii da gɔ́ hɛnŋąą pɛlɛ mą, yɛ bələi gɛ pələ pɔlɔ kaa la. Di ɓooli tɔ̨nɔ̨ kɛ a nɛ̨ŋɛ̨n mąąhvaalɛɛ hɛn.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Lonon mo 15:7

Ka bɛlɛ lɔɔ litɛlɛ hveelɛ ɓa. Yá gɔ̨nɔ̨nŋąąi tii laa həli Yai-Laa ɓa, mąą kun nɛ̨ɛ̨ yɛ niilaa.

Lonon mo 28:1

Yai-Laa ə mo Moisə ɓa,

Lonon mo 29:39

«Ɉɛn mąąnɛ̨ɛ̨ ka Yai-Laa kɔ́ la a volóɠaai di ɉee kaa, ya ka tii. Ɉalááɠaai ka ka woo kwɛlɛ la, ɉalááɠaai ka gulɔ lɔ a ka kwəinɛ̨ɛ̨ pələ. Halááɠaai da gəlee kələn, nɛɠɛ hunwɔ̨ halááɠaa, nɔɔi ka bu da niilaa halááɠaa, yaa li.»

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Lonon mo 9:7

diɛ diɛ: «Ku mąą hvo həɠə li, mąąhɔlɔɓo kwaa tunwɔ̨n powa ɓa. A kɛ tii, mąą hvo nɛ̨ɛ̨li ku hvo pa a ku wɔ kɔ́ɓo hɛnŋąą Yai-Laa pɔ yɛ bələi ku ɓɛlaa kaa gɛi la, mąąhɔlɔɓo yili kun gaa mą?»

Korɛntə veelɛ 2:15

Gɛ mɛ̨nį, ku kaa Yálá yəi a Kristə mąą kun nɛ̨ɛ̨ hɛn, ɓalo pələ mɛ̨i da nwun na a pili pələ mɛ̨i.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa