Lonon mo 28:15 - Yálá laawoo hɛɓɛ (dc)

¹⁵ Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Yálá laawoo hɛɓɛ

¹⁵ Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Bible

¹⁵ Ka ƃoli-sîrɛ tɔnɔ kula máŋ a sɔnyɔ̂ŋ su-mɛni-lɛɛ sâla Yâwɛɛ mɛni ma. Ka zâlai ŋí kúla a ŋ̀ele kélee salai da maa kpele-sɛŋ salai kula pôlu ma.

Lonon mo 28:15 ပူးပေါင်းရင်းမြစ်များ

Zɛnɛse 37:31

Nəɠəni di ɓolu hilɛ ta hon, di nwun dee, di Ɉosɛfə nwɔ həɠəi lɔ ɲąmą hu.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 16:16

Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Lonon mo 15:24

nui a da mąą kala nɔi lonnii tɛɠii, nɔi lonnii kəlee da nįŋɛ̨ hilɛ tɔ̨nɔ̨ kulɔ Yai-Laa ɓa a haláá hɛn da gəlee kələn, mąą kun nɛ̨ɛ̨, da ɉaláá yiiɠaai tii da gɔ́ hɛnŋąą pɛlɛ mą, yɛ bələi gɛ pələ pɔlɔ kaa la. Di ɓooli tɔ̨nɔ̨ kɛ a nɛ̨ŋɛ̨n mąąhvaalɛɛ hɛn.

Lonon mo 28:14

Nɔɔi mąąnɛ̨ɛ̨ di paa la, ya ka: Nįŋɛ̨ hilɛ tɔ̨nɔ̨ lɔɔ ɓala tɔ̨nɔ̨; mɛlaa hilɛ nwɛi, lɔɔ golo tɔ̨nɔ̨, mɛlaa lon dɔ̨nɔ̨ da lɔɔ litɛtɛ tɔ̨nɔ̨. Ɲąnin dɔɔ nįnɛ̨ haláái da gələn ya ka tii. Yai mąąnɛ̨ɛ̨ kaa gulɔ ɲąnin nįnɛ̨ tɛi tɛi yee mu kwɛlan ɉu.

Lonon mo 28:22

Yili pulu, ɓolu hilɛ tɔ̨nɔ̨ a nɛ̨ŋɛ̨n mąąhvaalɛɛ haláá, a nɛ̨ŋɛ̨n mąąhvaalɛɛ woo ɓo mɛ̨nį ɓa ka mɛ̨i.

Lonon mo 28:3

'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Lonon mo 28:30

Yili pulu, ka ɓolu hilɛ tɔ̨nɔ̨ kulɔ a nɛ̨ŋɛ̨n mąąhvaalɛɛ haláá, diɛ nɛ̨ŋɛ̨n mąąhvaalɛɛ woo ɓo ka mɛ̨i.

Lonon mo 29:16

Yili pulu, ɓolu hilɛ tɔ̨nɔ̨ a nɛ̨ŋɛ̨n mąąhvaalɛɛ haláá. Haláái da gəlee kələn da gulɔ a yələ kəlee, da ɉɛnŋąąi da Yálá kɔ́ la, da nɔɔi mąąnɛ̨ɛ̨ ə pu, yili kəlee pɛlɛɛ mą.

Lonon mo 29:5

Yili pulu, ka ɓolu hilɛ tɔ̨nɔ̨ kulɔ a nɛ̨ŋɛ̨n ɉaláá, ɉaláá kulɔ nuą diɛ nɛ̨ŋɛ̨n mąąhvaalɛɛ woo ɓo ka mɛ̨i.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.