Lonon mo 25:13 - Yálá laawoo hɛɓɛ (dc)

¹³ Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Yálá laawoo hɛɓɛ

¹³ Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Bible

¹³ Ǹyaa da ŋɔsuui su-ƃelai da pâi kɛ̂i a sâla-laa soŋ-ƃela wɔ́lɔ-wɔlɔ da wɔlɔ-wɔlɔ. Kpɛni fêi, vé fáa ní ma a gɛɛ ǹûai dí ɣâla da kpɛ́ni tɔ́ɔ ńduɛ. È Eezuɛ-ŋai dísɔnyɔ̂ŋ su-mɛni-lɛɛ maa-sala kula.”

Lonon mo 25:13 ပူးပေါင်းရင်းမြစ်များ

Samia Veerɛi 21:3

Davidə ə mo Gabaɔn nuą diɛ, yɛ diɛ: «Lə ɓə ŋą́ pɛli gɛi kaa? Lə ɓə ŋą́ pɛli gɛi a bɔnaa kulɔ hɛn gwa kaa ni gu lɔwai, ə gɛ, ka lúwɔ́ too Yai-Laa kwɛlin ma?»

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 2:27

Salomɔn ə Abiatarə laa kulɔ Yai-Laa nwɔ haláá laa həliɛ hu. Ə gɛ, mɛ̨nįi ŋɛ̨i wɔlɔ Yai-Laa ə mo Eli nwɔ pɛ́lɛ́i laa mɛ̨i Silo, naa ə hon.

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Mąątɛ̨nɛ̨ 106:31

Di yili pɛ̨ɛ̨ nwuɔ̨ a tələnmo túwɔ́, a kwɛlan gəlee mɛ̨nį.

Mąątɛ̨nɛ̨ 119:139

Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Lɛɛ gbɔwɔ ɓa 29:9

Ə́ ɲala tɔɔ di ləɠəi, ə́ mɔlɔɠaa pɛlɛ Aarɔn da nonnii di nwuɔ̨, ɉaláá kulaa mąą laa ə kɛ kɛa diɛ a yələ kəlee. Ə́ Aarɔn da nonnii di lɔ kɛa di wɔ kólói hu.

Lɛɛ gbɔwɔ ɓa 32:30

Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Lɛɛ gbɔwɔ ɓa 40:15

Ə́ di mąątí yɛ bələi ə́ gɛ la a di nąn, ə gɛ, diɛ pɛli nwɔ́ haláái kulɔi, a kɛ ti, nwulɔi ti ya ɉiɛ diɛ, yili ɓə a ɉaláá kulaa mąą laa tɛɛ di pɔ a kwɛlan gəlee mɛ̨nį.»

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Malasi 2:8

Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lonon mo 17:12

Aarɔn ə lansan kələn gbowo həɠə, yɛ bələi Moisə ə mo la mą, ə li a gilɛ nuą lɔwai, kɛlaa, ɲɔ̨n aa gbɛa kɛ gɔwɔ tɔɔ nuą lɔwai, yɛ di hukala. Aarɔn ə lansan pu gbowo hu, ə nɛ̨ŋɛ̨n mąąhvaalɛɛ woo ɓo nu kpulu mɛ̨i.

Lonon mo 25:14

Israɛlə mun tii di baa da Madian nɛ̨ɛ̨nui, naa ɓaa kɛ a Zimri Salu lon yai kɛ a Simeɔn huwu ta.

Ɉaan 2:17

Jesus nwɔ kalan nɛai di di kiliŋąhiɛ Yálá laawoo ɓa, yai kɛ mą: «Wɛlikɛmąą yii gaa ɉu ə́ wɔ pɛlɛ́i mąą mɛ̨nį ɓa, a gələn yɛ nwɔ̨n.»

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 7:11

Ə li kɛ, ɉaláá mɛ̨nįi kɛ naa Levi nu huwu nwuɔ̨, ə pɛli mɛ̨nį kəlee laa kulɔi kɛi, hvo gaai, ya ɓə kɛ giti mɛ̨nį kəlee kɔwɔ hvilɛnŋąąi kɛ mɛ̨i nuą yəi; di li tɔɔ pələ kɛ ləi, diɛ haláá laa həli mun dakpɛli mɛ̨nį ɓo, yɛ kɛ yɛ Mɛlkisedɛkə, kɛlɛi di li lɔ kɛ mą, yɛ: Aarɔn?

Zasua 7:12

Yili ɓa tii, Israɛlə lonnii di hva pɛli tɔɔi di yowoɠaa lííla, di kaa lɔ pai kɛi di pulu hvəi di yowoɠaa diɛ. Ŋą́ą́ di kɛ a hɛn mąąnɛ̨ɛ̨ di ɉukala, və́ kɛa pai lɛɛi ka pɔ, akɛ mɛ̨nį ɲɔ̨n tii ka lɔwai ka wala gulɔ laa.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.