Lonon mo 24:8 - Yálá laawoo hɛɓɛ (dc)

⁸ Yálá ɓə Israɛlə kulɔ Eziptə lɔi hu, a vaŋą kɛnɛ̨ yɛ laŋ mįnɛ̨ mąą. Israɛlə a ɲonwoɠaa hukala, yɛ di kɔ́wɠaa kiin giin, yɛ di hon a nwɔ mɛ̨ikɔwɠaai.

Yálá laawoo hɛɓɛ

⁸ Yálá ɓə Israɛlə kulɔ Eziptə lɔi hu, a vaŋą kɛnɛ̨ yɛ laŋ mįnɛ̨ mąą. Israɛlə a ɲonwoɠaa hukala, yɛ di kɔ́wɠaa kiin giin, yɛ di hon a nwɔ mɛ̨ikɔwɠaai.

Bible

⁸ Ɣâla è díkùla Ize lɔii su, Gɛ́ kɔ̀ dímɛni ma yɛ̂ɛ tou-sirɛ. Eezuɛ a ŋɔkpɔara-ƃelai su karâi, É díkao ɣále-ɣale é díŋɔtɔ̃a-ŋai kara.

Lonon mo 24:8 ပူးပေါင်းရင်းမြစ်များ

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Mąątɛ̨nɛ̨ 21:12

Da mɛ̨nį ɲɔ̨nwɔ̨ɔ̨ mąą kili tee di kwəi, yɛ hvilɛn na yɛ́, ɛlɛɛ, di mąn nɔgilii kɛ, di yee hva lɔ yɛ́.

Mąątɛ̨nɛ̨ 45:5

'Ɉoo laa wɔlɔ, a ə́ ɲɛ̨i pɔ̨nɔ̨ pələ, 'gɔ́ ə nɛ̨ɛ̨ yɛ́, tɛ̨ą mɛ̨nį hu, tələnmolaa hu, da liilaa hu. Ə́ ɓa-mįi-yee ə ɲɔw too di hu.

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Azaya 38:13

Gɛɛ yələ hvo pənə hvo ɓɔ, vá kɛa kɛ a hɛn da. Aa gɔ́wɠaa kəlee wolo, yɛ yala. Ə həɠə yələ wala pɔ ɓa, gɛɛ kpinį hvo pɛlɛ yáá mą kpɛɛ a ɉú kalaa.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Danîa 6:24

Nąąlɔwai, tɔɔmun gwəi ə nɛɛ kpɔ kɛnɛ̨, ə mo yɛ diɛ: «Ka Daniɛlə kulɔ ɲala kwənąn ɉu.» Gulɔi di mo, pɔɔ lɔpee ta hvo kɛ mą, mąąhɔlɔɓo, ə gilitɔɔ nwɔ Yálái ɓa.

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Lonon mo 23:22

Yálá ə gulɔ Eziptə lɔi hu, vaŋą kɛnɛ̨i yɛ lan.

Lonon mo 23:24

Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Maafîu 2:15

Di lɛɛ laa, ə lɛɛ la ɉu, Herodə ə haa. Yili ə kɛ tii, ə gɛ, mɛ̨nįi Ną́mu ə mo gwəi mɛ̨nį hukulɔ mun ma, naa ə hon, yai ə kɛ la mą: «Ŋą́ą́ nón ɉulɔnu təli ə kulɔ Eziptə lɔi hu.»

Dutɛrɔnome 32:23

Gáá mɔ̨nɔ̨ laai di mɛ̨i, gɛ́ nwɔ́ mɛ̨ɛ̨kɔwɠaai ɲɛ̨i haŋąn diɛ.

Dutɛrɔnome 32:42

Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 2:10

Ɛlɛɛ, pələi Yai-Laa ə gboloyá kpala la ka tɔwɔ, kwaa yili bələ mɛ̨n, ɓɛlɔwai ŋɛ̨i ə ka kulɔ la Eziptə lɔi hu; ə mą kɛ, mɛ̨nįi ka naa Amɔrə tɔɔɓɛlaa hveelɛi ɓa Ɉurdɛn pulu pələ. Diɛi a Sihɔn da Ogə, diɛi ka di paa.