Lonon mo 24:24 - Yálá laawoo hɛɓɛ (dc)

²⁴ Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Yálá laawoo hɛɓɛ

²⁴ Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Bible

²⁴ Ǹûai da pâi kulâi Kitiŋ lɔii su Da pâi Asiria-ŋai da Ɛƃɛ-ŋai yée-mɛi ɣâlei. Kɛ́lɛ dia máŋ da pâi sâai wɔlɔ-wɔlɔ da wɔlɔ-wɔlɔ.”

Lonon mo 24:24 ပူးပေါင်းရင်းမြစ်များ

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Danîa 10:20

Ə mo mą́ą́, yɛ mą́ą́: «Mɛ̨nį gɛ gɛ́ pa ə́ pɔ, ə́ nwun gɔlɔn? Yii hu, gáá pənəi ŋą́ li ŋą́ kɔ́ pɛlɛ Pɛrsə lɔi mɛ̨i kaa malaka ɓa. Ɓɛlɔwai kpɔlɔ gáá paai li la, Grɛkə lɔi mɛ̨i kaa malaka kaa pai pai.

Danîa 11:30

Nuą da həɠə Kitimə lɔi hu hvóló tooi pələ diɛ pa ɓaton ɉu, di pa di pɛlɛ ma. Vii a kpɛɛ, ə pənə bulu, nuąi ŋɛ̨i Yálá ə mįnɛ̨ həɠə diɛ, diɛ ɓə a nwąną kulɔ diɛ, nuą yiiɠaai di hva lɛɛ mįnɛ̨ həɠəə tii ɓa a woo tɔ̨nɔ̨ namɛnaa, da diɛni di pɛli ɉu.

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Danîa 2:45

Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Danîa 8:21

Molu hilɛi tii ə́ gaa, gaa a Grɛkə tɔɔlaa. Mįnɛ̨ tɔ̨nɔ̨i tii kɛ tɔɔni ɲəi kɔ́w lɔwai, yili kaa Grɛkə tɔɔlaa hutɔɔmun dɔlɔɔ.

Lonon mo 24:20

Yili pulu, Balaamə ə Amalɛkə kaa, ə mɛ̨nįi ŋɛ̨i ɓo, yɛ həɠə Yálá yəi, yɛ mą: «Amalɛkə kaa lɔi kəlee ɲɛ̨i tɔwɔ, Kɛlaa, mɛ̨nįi ɉeɛ dɔwɔ ya ɓaa ɉukala mɛ̨nį.»

Lonon mo 24:23

Balaamə ə nwoo laa kulɔ, yɛ diɛ: «Kpalo ka! Gbɛɛ ɓə pai kulɔi Yálá yee ŋą?

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Lukə 20:24

«Nwalii da nįįhɔ̨nwɔ̨ kulɔ la, 'ka pa a da, ŋą gaa.» Yɛ diɛ: «Gbɛɛ mąą nįnįn, da gbɛɛ yee pɔɔ ɓə ŋɛ̨i nwali ɓai?» Di bulu pənə, diɛ mą: «Sesarə ɓə!»

Ɉaan 11:48

Akɛ gwa nɛɛ laa, nu kəlee kaa pai laai na, ə lɛɛ, Romə nuą kaa pai ku wɔ Yálá hee pɛlɛ́i woloi, di gu huwu pu.»