Lonon mo 23:24 - Yálá laawoo hɛɓɛ (dc)

²⁴ Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Yálá laawoo hɛɓɛ

²⁴ Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Bible

²⁴ Eezuɛ káa yɛ̂ɛ yala-sulu wála-walaa. Víi fa kpɛ̀ɛ é lɛ́ɛ la zu é ǹáa-mii suai, É lɛ́ɛ la zu é diai è dí pâai ŋãa kpéle.”

Lonon mo 23:24 ပူးပေါင်းရင်းမြစ်များ

Zɛnɛse 49:27

Bɛnɉamɛn kaa yɛ kwɛ́li, yələwala pɔ, a huwɔ hon ə mįi. Yələwulii pɔ, kɔ́ mɛ̨į hɛn a ɉəɠə, a ŋąąkwɛlɛ.

Zɛnɛse 49:9

Nón Ɉuda! Ə́ kaa yɛ yala a laŋą a nįnɛ̨, nón ɉulɔnu, aa həɠə loɉolaa kɛi! Aa pu nwungbəla, aa pɛlɛ yɛ yala, yɛ yala haa; gbɛɛ ɓə a pɛli muhəɠəi?

Tɔɔɓɛlaa dɔlɔɔ 10:20

Gbəlin ə kɛ heeni yala pow kɔ́w hveelɛ di ɓo nu kɔ́wɔ hvilɛn ɉii mɛ̨idai ɓa, mɛ̨ida yɛ ɓo ɓɛ pələ, mɛ̨ida ə ɓo ɓɛ pələ. Di hvo ta yili gulɔ mąą kaa li lɔi ta hu.

Kɔlɔnikɔ Veerɛi 9:18

Nu kɔ́wɔ kpəŋəi mɛ̨ida ɓə kɛ a nu həli dɔɔkpəlin tii ɓa, nu kɔ́wɔ tɔɔi ə kɛ mą a hɛni, gbəlin ɲee ə kɛ mą ɓɛ pələ da ɓɛ pələ, yalá mąą nįnį́n veelɛ ə kɛ tɔɔni ɲeeɠaa kwɛlɛ.

Mąątɛ̨nɛ̨ 17:12

Di kɛ pələ kaa yɛ yalai hulúun ɉii huwɔ hvala mɛ̨nį ɓa, yɛ yala lon heeni huwɔ tɔwɔi.

Hanwon 30:30

Yala ka, gaa a tɔɔmun huwɔɠaa lɔwai, hva pu hɛn nɔpee ta tɔwɔ.

Azaya 31:4

Mɛ̨nįi Yai-Laa ə mo mą́ą́ ya ka, yɛ diɛ: Akɛ yala hilɛ, a wala kɛti yala lon, a kɛi kpəɠi gɔ̨nɔ̨n mɛ̨i, taatɛlɛɛ pulu nuą di mą pa a di kpulu kɛnɛ̨, di tómą woo hva mąąɲɔw, di tín va nii kulɔ mą. Bələ ɓə Yai-Laa Mɛ̨nį Kəlee ŋą Hééɓomun kaa pai yɛɛi la Siɔn yee nwuɔ̨, nwɔ yee kpu kpui mɛ̨i, kɔ́ kɔ́ mɛ̨nį ɓa.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Nahumə 2:11

Daa gəlee həɠə, daa di laa tɛ gəlee mu, daa gəlee taɠa, nu ta lii hvo kɛa kpələ li; di kɔ́wɔ kaa kɛlɛi gee hu, diɛ kpɛlin nɔ ya-ya, di ɲɛ̨i aa tɔɔ lɔ gamąn.

Nahumə 2:12

Ɲalaɠaa pɛlɛi kaa mį? Ɓɛi ɲala lonnii di kɛi di kɔ̨nɔ̨n ɉɔlɔɓo laai, ɓɛlɔwai ɲala ə kɛi li la huwɔ kpɛi; nu ta hvo kɛi ɲala lon mąąɲɔw.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Lonon mo 23:25

Balakə yɛ Balaamə ɓa: «Yá wala nɛ̨ŋɛ̨n naa, hvó tɔɔ yɛ́ lúwɔ́ too mą.»

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Dutɛrɔnome 33:20

Yɛ Gadə nwɛi ɓa: «Mąąwiɛ ə kɛ Yai-Laa ɓa! Yaai lɔi kɛnɛ̨ tɛɛ Gadə pɔ. Gadə aa pɛlɛ yɛ yala hilɛ. Ɲą́ą́ tɛɛ kpɔ gɔ̨nɔ̨n ɉon mɛ̨nį ɓa, ə mɛla ɉu, ə həɠə gɔwɔ ɓa, ə həli la nwun ma.

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»