Lonon mo 23:23 - Yálá laawoo hɛɓɛ (dc)

²³ Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Yálá laawoo hɛɓɛ

²³ Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Bible

²³ Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Lonon mo 23:23 ပူးပေါင်းရင်းမြစ်များ

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Mąątɛ̨nɛ̨ 31:19

Nɛɛ laaləiɠaai tii, di pɛlɛ mą diɛi tii da hvaa Tələnmolon ɉu, a tɛɠɛɓo ɉu, a ɲɛ̨i tɛ, a ɓɛlɛkpɛɛmąąlaa.

Mąątɛ̨nɛ̨ 64:9

Di nɛ̨n aa pɛ̨nɛ̨ aa kɔ́ pɛlɛ diɛ, nui lɔpee a di kaa, a nwun gbɛ̨ŋɛ̨n.

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Izikiɛ 21:21

Ɓa-mįi-yee hu pələ, kɛɓɛyee hu pələ, ɓɛi lɔ pəə ya ə́ ɲɛ̨́i tinɛ̨n naa nąą ə lɛɛ a ɓɔwa kwɛaa laa lowo.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Mise 7:15

Mɛ̨nį ɲɛ̨i kɛnɛ̨ɛ̨ lɛlɛɛɠaa lɛ kuɔ, yɛ ɲələi ə́ ku kulɔ la Eziptə lɔi hui.

Lonon mo 24:1

Balaamə ə gbaɠala kaa yɛ: Yai-Laa liiɓa ɓaa ə lúwɔ́ too Israɛlə ɓa. Hvo kɛa li tɔlukpɛi, yɛ pələi ə kɛi gɛ la gɛɛnąą takpɛliɠaai tii ɓa. Kɛlaa, ə ɲɛ̨i hee nɔi pun ɉu pələ.

Maafîu 12:25

Yii kɛa Jesus ə di wɔ kiliŋąhiɛi tii kaa, ə mo diɛ yɛ diɛ: «Lɔi lɔpee ɉu nuą da kɔ́ pɛlɛ di kee ɓa, mąą lɔi tii a gbɔwɔ nwun na pili. Taai lɔpee ɉu nuą, pɛlɛi lɔpee mu nuą, daa kɛi kɔ́ kɔ́ a di kee, mąą taai a wóló, ə mą kɛ, mąą pɛlɛi a pu.

Maafîu 12:27

Ka káá kɛi diɛ: Gáá ɲį́nɛ̨n gbɛi nuą pulu Beɛlzebulə laa hu. Akɛti, ka wɔ kalan nɛai diɛn, da gbɛ gbɛɛ laa hu? Diɛ kpinįi lɔ ɓə a ka kiti tee.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Gɛlaɠaa 4:16

Diɛ di geeni diɛ: «Lə ɓə gwa pɛli gɛi a nuą ŋɛ̨i? Mąąhɔlɔɓo, daa kpalo mɛ̨nį ta kɛ, ponoɲą mɛ̨nį li, Ɉerusalɛmə daa kwəi nuą kəlee ɲɛ̨i ɓa; ɛlɛɛ, ku hva pɛli ɉɛatooi.

Gɛlaɠaa 5:12

Gɛlaɠaa di kɛi kpalo mɛ̨nį tamąą da kwəi pilimąą mɛ̨nįɠaa kɛ nɔi nuą lɔwai. Laa na nuą kəlee di kɛi di ɲąąkpɔn Salomɔn yəi ɲumąn mu.

Gɛlaɠaa 5:14

Ɛlɛɛ, hinąą mąn, nɛ̨ąą mąn di kɛli too di a di kpulu kɛnɛ̨ɛ̨, a laai di kɛli mo Ną́mu la.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Zasua 13:22

Nuąi di di paa, Beɔrə lon Balaamə ə kɛ di lɔwai, yai kɛ a dɔli-kpɛmun, yii Israɛlə lonnii di baa a ɓɔwa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.