Lonon mo 23:19 - Yálá laawoo hɛɓɛ (dc)

¹⁹ Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Yálá laawoo hɛɓɛ

¹⁹ Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Bible

¹⁹ Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Lonon mo 23:19 ပူးပေါင်းရင်းမြစ်များ

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Tɔɔɓɛlaa dɔlɔɔ 14:11

Ɉeroboamə yəi bɛlɛ́n mun lɔpee pai haai taai, yilɛɠaa kaa pai mįi, ɛlɛɛ, bɛlɛ́n mun lɔpee pai haai lɔwɔi, yələi nwɛ̨nįɠaa da mįi.› Yai-Laa woo li.»

Tɔɔɓɛlaa veelɛ 15:12

Nwooi Yai-Laa ə mo Ɉehu ɓa, ya ka tii, yai ə kɛ mą: «Ə́ lonnii kaa pai lɛɛi heei Israɛlə tɔɔ kpəlin ɉu ə lɛɛ la ɉu ə həli la həɠə gee pɔ nąąn ma.»

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Kɔlɔnikɔ Maa-ŋuŋ 17:17

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ wɔ tímun wɔ pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Mąątɛ̨nɛ̨ 77:9

Nwɔ ɲɛ̨imąąwɛlikaa laa a mɔ̨ɔ̨ kpɛɛ? Nwoo aa wɔlɔ kpɛɛ ɓə tii kɛai?

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Mąątɛ̨nɛ̨ 89:35

Və́ pai nwɔ́ mįnɛ̨i həɠəi mą, mɛ̨nįi kulɔ ná, vá yili mąąhvalin.

Azaya 21:17

Ɛlɛɛ, Kedarə nwɔ kilɛn bili nuą, dɛi tɛi lɔ ɓə pai lɛɛi; Yai-Laa Israɛlə nwɔ Yálái ɓə mo.

Azaya 31:2

Ya pa yai tii kpɛli nwɛlɛɛi, a pɛli mɛ̨nį ɲąąnwąnąą laai nu ɓa; ɛlɛɛ, yii a mo, hva ɉəɠə mą. Gaa muhəɠəi nu ɲɔ̨nwɔ̨ɔ̨ɠaa laa ɓa, da mɛ̨nį ɲɔ̨n gɛ nuąi tii di kaa di təlii kpɔn mąą tɛɛ mɛ̨nį ɓai.

Azaya 40:8

Kala tiliin a kpala, bowa ə yohva; Kɛlaa, guɔ Yálái woo nwɛi gaa lɔ laa a yələ kəlee.»

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Danîa 4:28

Nwooi tii ə lɛɛ lɔ tɔɔmun na, woo ta ə hɛɠɛ yələi yɛ mą: «Tɔɔmun Nabukodonosorə, ə́ wɔ wɛlɛɛ ka: Ə́ wɔ tɔɔlaai aa kulɔ ə́ yəi.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Lonon mo 14:35

Ɲą́ą́ Yai-Laa, Nwóó li. A tɛ̨ą, bələ ɓə gáá pai naai la nu ɲɔ̨nwɔ̨ɔ̨ɠaa ŋɛ̨i diɛ, diɛi di kwɛli tee mą́ą́. Nɔi pun ɉu ɓɛ, dɔ̨nɔ̨ kpɛli hvo pai kulɔi ɉu; ɓɛ ɓə gəlee kaa haai laa.»

Lonon mo 23:18

Balaamə ə́ nwɔ wələi ŋɛ̨i too, yɛ kɛ mą: «Ə́ muhəɠə Balakə, ə́ ə́ wəli tɔɔ. Sipɔrə lon, ə́ wəli tɔɔ kpɔ a nɛlɛɛ

Lukə 21:33

Yələkɔlɔn da lɔi di kaa pai tɛɛi, kɛlaa nwóóɠaa ŋɛ̨i dɔ̨nɔ̨ kpɛli hva tɛɛ.»

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Lomaŋ 9:6

Və́ kɛli diɛ: Yálá nwɔ mįnɛ̨i kalaa li. Kɛlaa yaamun, gaa má, nuąi kpɔ Israɛlə pɛlɛ́i mui, gəlee hvəə a Israɛlə lonnii.

Timote veelɛ 2:13

Gwa wala kulɔ gu woo ɓa, nwɛi, a kulɔ nwoo ɓa a yələ kəlee, mąąhɔlɔɓo, hva pɛli lənəi gbɔwɔ ɓa.»

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Hebreu 7:21

Jesus nwɛi, kwɛla mɛ̨nį ə kɛ ɉu, gu Nąmu ə gwɛla mąą mɛ̨nį hu, yɛ mą: mɛ̨nįi ŋą́ mo hva ɉəɠəi mą: «Ə́ kaa a ɉaláá laa həli mun, a yələ kəlee mɛ̨nį.»

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Zasua 21:45

Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Samuɛlə dɔlɔɔ 3:12

Mąą yələ, mɛ̨nįɠaai kpɔ ŋą́ mo yɛ hvilɛn Eli nwɔ pɛlɛ́i ɓa, ŋą́ gəlee pɔ mɛ̨nį kɛ, da hva lɛɛ pulu.