Lonon mo 21:7 - Yálá laawoo hɛɓɛ (dc)

⁷ Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Yálá laawoo hɛɓɛ

⁷ Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Bible

⁷ Nya ƃe ǹûai dí pà Mose pɔ́ díyɛ mai, “Kwa sɔnyɔ̂ŋ kɛ́. Kpɛni fêi, kwa lóno nyɔ́mɔɔ kɛ́ Yâwɛɛ ma ka ǹyaa. Yâwɛɛ fɛli a gɛɛ é gali-ŋai kúla kúsama.” Nya ƃe Mose è Ɣâla fɛ̀li dímɛni ma.

Lonon mo 21:7 ပူးပေါင်းရင်းမြစ်များ

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Tɔɔɓɛlaa veelɛ 13:4

Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Lɛɛ gbɔwɔ ɓa 10:17

Yii nwɛi, 'ka mą́ą́hvaalɛɛ nwɔ̨nɔ̨. Ka ka woo tɛ Yai-Laa ka wɔ Yálái ɓa, Ə ɉaa ŋɛ̨i həɠə búlú.»

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 32:30

Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Lɛɛ gbɔwɔ ɓa 8:28

Bələi mąn ə kɛ la tii, tɔɔmun ə gili walawala, hvo gɛ hvo Israɛlə lonnii lɛɛ laa di hvo li.

Lɛɛ gbɔwɔ ɓa 8:4

Eziptə tɔɔmun ə li ə Moisə da Aarɔn di təli, yɛ diɛ: «Ka nɛ̨ɛ̨mą hvə Yai-Laa ɓa, ə gbəŋəɠaa ŋɛ̨i mąą kwɛa mą́ą́ kwa nwɔ lɔi hu nuą. A kɛ tii gáá pai ɓoi nwɔ nu huwui ɓa, di li di haláá kulɔ Yai-Laa ɓa.»

Lɛɛ gbɔwɔ ɓa 8:8

Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 37:3

Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Lonon mo 11:2

Nuą kəlee di wɔlɔ Moisə ɓa, Moisə ə di mąą nɛ̨ɛ̨mąą hvə Yai-Laa ɓa, nwɔ̨n tii ə luwun.

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Gɛlaɠaa 8:24

Ya ɓə, Simɔn ə di woo ɲąą pənə yɛ diɛ: «Kaa kpinįlee 'ká mą́ą́ nɛ̨ɛ̨mąą hvə gu Ną́mu ɓa, ə gɛ, mɛ̨nįɠaai ŋɛ̨i ka moi, da hvo həli mą́ą́.»

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Dutɛrɔnome 9:20

Aarɔn yaa kpɛli mąn, Yai-Laa ə níiholi bɔ kpɔ kɛnɛ̨, yɛ kɛ kpɔ ə nwun na pili, ŋį́ Aarɔn mąąnɛ̨ɛ̨ mąą hvə nwɔ̨nɔ̨ Yai-Laa ɓa.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»