Lonon mo 21:34 - Yálá laawoo hɛɓɛ (dc)

³⁴ Yai-Laa yɛ Moisə ɓa: «Hvó ɲɔw Ogə ɓa, ŋą́ą́ doo ə́ yee ŋą; yaa, nwɔ nuą kəlee da nwɔ lɔi. Ɉon yɛ bələi ə́ Amɔrə tɔɔmun Sihɔn hon na, yii kɛ heeni Hɛsbɔn.»

Yálá laawoo hɛɓɛ

³⁴ Yai-Laa yɛ Moisə ɓa: «Hvó ɲɔw Ogə ɓa, ŋą́ą́ doo ə́ yee ŋą; yaa, nwɔ nuą kəlee da nwɔ lɔi. Ɉon yɛ bələi ə́ Amɔrə tɔɔmun Sihɔn hon na, yii kɛ heeni Hɛsbɔn.»

Bible

³⁴ Kɛ́lɛ Yâwɛɛ è mò mâ ǹyɛɛi, “Ífe yào. Ŋaâ gâloŋ Oŋ tɛ̀ɛ ípɔ da ŋɔnûai kélee é pɛ́lɛ ŋɔlɔii ma. Zoŋ yɛ̂ɛ berei í gɛ̀ la a Amora-ŋai díkâloŋ Siɔŋ nyii kɛ̀ Ɛsibɔŋ.”

Lonon mo 21:34 ပူးပေါင်းရင်းမြစ်များ

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Tɔɔɓɛlaa veelɛ 3:18

Yili hvo kpɛli pai kɛi Yai-Laa ɲɛ̨i ɓa a mɛ̨nį wala wala, kɛlaa, gaa nwɔ̨nɔ̨ pai Moabə lɔi ka yee ŋą.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Lonon mo 32:4

a nɔi tii Yai-Laa ə ɉon a kɔ́ Israɛlə lonnii mąą mɛ̨nį ɓa, taatɛlɛɛ ɲąą kɔ́n nɔi li. Taatɛlɛɛ kpulu kaa ə́ wɔ tínuą yəi.

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Dutɛrɔnome 3:1

Gu tinɛ̨n gu ɉon a Basan lɔi hu pələ; kɛlaa, Basan tɔɔmun Ogə ə kulɔ, ə gu laakwiɛn a kɔ́, Ɛdrɛi, yaa da nwɔ lɔi hu nuą kəlee.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 7:17

Ka hvo tɔɔ kaa kɛ diɛ: «Nu huwui ŋɛ̨i huwalawalaa di tɛɛ kuɔ, kwa pɛli di wɔ lɔi kulɔ pələ kɛi ləi di yəi?»

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Zasua 8:7

Nąąlɔwai, ka kulɔ ka loo pələi, ka daa hon, Yai-Laa ka wɔ Yálá aa dɛɛ ka pɔ.

Nwun mąąɓo 11:30

Ə Nwoo kwɛlɛ Yai-Laa ɓa, yɛ mą: «Yai-Laa, yá hvaa mą ɲéé a tɛɛ Amɔn nuą diɛ,

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»