Lonon mo 21:29 - Yálá laawoo hɛɓɛ (dc)

²⁹ Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Yálá laawoo hɛɓɛ

²⁹ Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Bible

²⁹ Kpalo ƃélai kâa káai a Môa-ŋai! Káai a Kemɔ fɛli-ƃelai kpalo ƃêlaai kâai. Káɣâlai a ǹɛɛ naa kálônii-sinaai da kɛ́ a bîlaŋ-kɔɔ ma-ƃela, Kálônii-nɛyãai dí ƃò a Amora-kaloŋ Siɔŋ ŋɔkɔ́-soŋ-ŋa.

Lonon mo 21:29 ပူးပေါင်းရင်းမြစ်များ

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Azaya 15:5

Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Azaya 16:2

Moabə nɛ̨ɛ̨lɛa kaa pai kɛi yɛ nwɛ̨niɠaai daa di kpɛ di taa ŋą, diɛ pu, diɛ Arnɔn ya teen.

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Ɉeremi 48:45

Nuąi pui, hviikpɛɛ, daa kpəla daa tɔɔ Hɛsbɔn nįnįn mu. Kɛlaa, nwɔ̨n aa kulɔ Hɛsbɔn, nwɔ̨n nən aa ɓɛla Sihɔn dɔɔ pɛlɛ́ mu. Gaa Moabə wəlii kwɛli kələn ɉii, yɛ woo ɲąnwąną nuą nwuɔ̨ kələn.

Ɉeremi 48:46

Lə mąąwɛli mɛ̨nį ɓəi aa laa yɛ́i, Moabə! Kemɔsə nwɔ nuą nwun aa lɛɛ ɉu, di kaa lii a ə́ lon ɉinąą kɔluwɔlaa hu, ə́ lonnii nɛ̨ąą diɛ li luwɔ pələi.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.