Lonon mo 20:24 - Yálá laawoo hɛɓɛ (dc)

²⁴ «Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Yálá laawoo hɛɓɛ

²⁴ «Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Bible

²⁴ “Eelɔŋ a pâi saâi, vé pâi serîi gono-tee-lɔii mâ nyii ŋá dɛ̀ɛ Eezuɛ-ŋai pɔ́i, kpɛ́ni fêi, káfeerɛŋɔɔ ká ŋ́oo kàra Mɛriba Yai ma.

Lonon mo 20:24 ပူးပေါင်းရင်းမြစ်များ

Zɛnɛse 15:15

Yii ɓaa ə́ wɛi, ə́ kaa pai pɔlɔi a nɛlɛɛ, liilaa hu, ə́ haa, di ə́ loo.

Zɛnɛse 25:17

Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ.

Zɛnɛse 25:8

Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Zɛnɛse 35:29

Isaakə ə pɔlɔ, yɛ tɛɠa lɛɛ laai nąnni kwɛlɛ. Esau da Ɉakɔbə di di nąn now.

Zɛnɛse 49:29

Ɉakɔbə ə niɛwooi ŋɛ̨i kɛ nonnii diɛ, yɛ diɛ: «Ŋą́ pa pɔlɔi, ka náá ną́nni kwɛlɛ, Hɛtə mun Ɛfrɔn yəi ɲɛa, kwɛni wolo ta kaa laa ɉu, ɓɛi wɔlɔ di ną́nni loo laa.

Zɛnɛse 49:33

Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Kɔlɔnikɔ Veerɛi 34:28

Gáá pai ə́ laŋąn ɉii ə́ nąnni diɛ, ə́ kaa pai laai di kwɛlɛ liilaa hu. Mɔ̨nɔ̨i gáá pai naai gɛɛnąą ŋɛ̨i ɓa da ɉu nuą, ə́ ɲɛ̨i hvo pai tɔɔi ɉu.›» Nuąi di di tɔɔ, di pənə di pa a bulu pənən tɔɔmun bɔ.

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Lonon mo 20:26

Ka li, ə́ Aarɔn nwɔ həɠəi kulɔ laa gwąną, ə́ doo non Eleazarə kwąną; nąą ɓə Aarɔn kaa pai kulɔi laa ka lɔwai, gaa pai haai laa.»

Lonon mo 20:5

Lə ɓə kɛ yai ə́ ku kulɔ Eziptə lɔi hu, yɛ́ pa a kuɔ gɛɛnąąi ŋɛ̨i ɓa? Gɛɛnąąi ŋɛ̨i hvo lɛlɛ li a tíi kɛi, ɓɔɔlaa wulu da viɲə, da ɓá wulu ta lɔpee hva hin mɛ. Kpələyá kpɛli hvo ɓɛ.»

Lonon mo 27:13

Ə́ kaa lɔ ə́ ɲɛ̨i tɔɔi mą, kɛlaa, yɛ́ kpɛli, ə́ kaa pai laŋąn ɉii ə́ kalani diɛ, yɛ bələi ə́ liɛ Aarɔn ə laŋąn na diɛ.

Lonon mo 31:2

«Israɛlə lonnii nwąną kulɔ, mɛ̨nį ɲɔ̨nwɔ̨ɔ̨i Madian nuą di naa diɛ mąą mɛ̨nį ɓa; hvó tɛɠa kɛ laai ə́ nąnni kwɛlɛ.»

Lonon mo 4:27

Aarɔn da nonnii di yee mu ɓə Gɛrsɔn lonnii da gólóɠaa tii kɛ laa. Ə kɛ a diɲɛ mɛ̨nį-o, ə mą nwɔ̨nɔ̨ kɛ a góló mɛ̨nįɠaa. Ɉɛnŋąą kpɔ mąąnɛ̨ɛ̨ di gɛ a di wɔ kóló, ka gəlee lɛ diɛ.

Dutɛrɔnome 32:50

Yili pulu ɲee tii ə́ kaa lii tɛi nwuɔ̨, nąą ɓə ə́ kaa haai laa, ə́ laŋąn ə́ kalaɓɔlɔni diɛ; yɛ bələi ə́ liɛ Aarɔn ə haa la Horə yee tonna, ə laŋąn galaɓɔlɔni diɛ.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.