Lonon mo 20:15 - Yálá laawoo hɛɓɛ (dc)

¹⁵ Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Yálá laawoo hɛɓɛ

¹⁵ Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Bible

¹⁵ Í gɔ́lɔŋ máŋ berei kúnuu-pɔlɔ-ŋai dí lì la Ize lɔii su ƃɛ́i kwa dîa-ni kú kóraŋ támaa kɛ̀ naai. Kɛ́lɛ Ize-ŋai dí kúsòŋ a nyɔ́mɔɔ kwa kúnuu-pɔlɔ-ŋai.

Lonon mo 20:15 ပူးပေါင်းရင်းမြစ်များ

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 46:6

Hɛn kpɔ di ɉɔlɔɓo Kanaan lɔi hu, ə mą kɛ, daatɛlɛɛɠaa kəlee, di gəlee həɠə di li la Eziptə.

Zɛnɛse 46:7

Bələ ɓə Ɉakɔbə da ŋį nu huwui kəlee di li la, di hee Eziptə, yaa, nonnii, ə mą kɛ mąnįn kəlee.

Samia Veerɛi 12:18

Lɔwɔ tɔ̨nɔ̨ tɛɛ pulu nokolo ə haa. Davidə yee pɔ nuą di kɛi ɲɔw nokolo haa tooi mą di kɛi di kiliŋąhiɛ diɛ kɛ diɛ: «Kaa gaa, ɓɛlɔwai nokoloi ŋɛ̨i ə kɛ la a vulú, gu mɛ̨nį ɓo mą, hvo gɛ hvo nwəli tɔɔ gu woo ɓa. Gwa pɛli tɛɛi ləi guɔ non ɉaa too mą? A kɛ tii, gaa pai mɛ̨nį laai gbɔwɔ ɓa.»

Lɛɛ gbɔwɔ ɓa 1:16

«Ka lɛɛ Hebreu nɛ̨ąą tii ta kwɛlɛ, yɛ kwəinwąną kɛ, non a kɛ a hulɔnu, 'ka baa. Akɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 12:40

Gwɛlan Israɛlə lonnii di gɛ Eziptə, ə kɛ a kwɛlan nwun nąąn kwɛlan bow haaɓa.

Lɛɛ gbɔwɔ ɓa 5:14

Israɛlə nuąi di di hee di ɓɛlaa nwun na, di yiliɠaa hukɛlɛ, diɛ kɛ diɛ: «Lə mɛ̨nį ɓa, voló hveelɛi ŋɛ̨i yee mu, pɔlɔ kɔ́wi kɛ mąąnɛ̨ɛ̨ ka gulɔ, ka hvo gulɔ li?»

Lonon mo 11:5

Kwa ku kiliŋąhiɛ, kwa vilɛn ɉɔ̨nwɔ̨leeɠaa ku kɛi mįi a kpɛli Eziptə lɔi hu, da nwɛlikwɛnɛ̨ɛ̨ kpɛa-kpɛaa, yaɓaɠaa, tea kpuwuluɠaa, da nɔ́w huwu tamąą diɛ.

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Gɛlaɠaa 7:15

Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.

Dutɛrɔnome 26:6

Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.